焦點話題 20001001

焦點話題

2000年10月01日 - 10月08日

回主頁

回上頁

到下頁

2000年10月8日

亞裔天使月曆歐美大熱賣

新聞來源：太陽報

尚有不足三個月，便踏入 2001年，市面上已開始湧現大批新一年的月曆，在眾多款式之中，哪一款最受歡迎，暫時不得而知。但在歐美等地，相信將會是亞裔天使月曆的世界，事關美豔的亞洲天使，足令一眾性感金絲貓黯然失色。

近年愈來愈多外國人愛上東方文化，不少人都有興趣學習中國功夫、氣功、醫術，以及在身上紋漢字等。在這些東方迷眼中，東方文化源遠流長，而且瀰漫著一份難以言喻的神秘感，足以挑起他們的好奇心，令他們對此趨之若鶩。與此同時，美豔的亞裔女性亦漸漸受到外國人的垂青，不少洋人都希望藉著到亞洲地區旅遊，一嘗亞裔女性的風情。

有見亞洲風吹得熾熱，不少外國的月曆出版商亦因應市場的需要，趁機推出以亞裔性感女郎為主題的月曆，單是在美國，現在至少已有八款不同的亞裔美女月曆流通市面，或於互聯網上任人訂購，不過較受人歡迎的，就有由美國攝影大師Zen Manor炮製的「Asian Angels」月曆。

Zen Manor在美國攝影界相當出名，經常為各暢銷雜誌拍性感女郎寫真，單是他的來頭，已能給予一班識貨之人信心。加上模特兒個個美豔非凡，自然蕌到各男士畀錢買月曆。

為了迎接快將來臨的 2001年，「Asian Angels 2001」現已準備就緒，在一共有十六頁的月曆况，將會出現六位「材」貌兼備的亞裔模特兒，分別來自中國、台灣、韓國和越南，雖然她們不會露點，但在性感內衣襯托下，加上擺出撩人的姿勢，她們的魅力足以令男士們窒息。

不過要找到一班如此美豔的亞裔月曆女郎，Zen Manor當然要做很多準備工夫。每年年頭，他便會周遊亞洲列國，或透過私人網站「Sensual2000.com」招募模特兒，然後在近千名試鏡者當中，挑選出數位標致的精英作為下年的月曆女郎，月曆製作之嚴謹可見一斑。

由於近兩年來「Asian Angels」在歐美等地都創下不俗的銷量，當中的亞裔月曆女郎更迷倒不少西方男性，於是擁有精明生意頭腦的Zen Manor便靈機一觸，在推出月曆的同時，還接受外間訂購月曆女郎的精美簽名相。

此外，他更利用私人網頁，設立會員電郵聯絡中心，讓迷哥們有機會跟各亞裔月曆女郎通訊，聯絡感情，此舉一來可以滿足顧客的需要，二來又可以增加月曆的銷量和賺取到額外收入，可謂一舉三得。

2000年10月8日

日本現場直擊3：成人互動電視節目

新聞來源：蘋果日報

日本既電視頻道競爭激烈，有線、無線、衛星夾埋幾百個，唔諗下D花臣野，真係開左台都無人知。所以佢地既節目經常推陳出新，就連成人節目都唔例外，最近就搞左個成人互動電視節目。

一般節目既製作可分為錄影及直播，但相同之處就係拍攝時一定要對稿，整個節目一定「依稿行事」，如果無稿，真係唔知做乜。係日本，更加要跟足流程做，好少臨時改野或者「執生」。但有間成人電視台竟然好大膽，為博出位，竟然玩一個絕對要臨場執生既「電視真人Show」節目，可以話係大突破。

呢個概念聽講係來自依家網上流行既Web J真人Show，好多成人網頁都搞即時真人對Chat，網友同女Web J傾偈之餘，重可以「點紅點綠」，要個女主持剝光豬。呢個「電視真人Show」既製作人認為，既然互聯網得，電視點解唔得？

於是佢地就著手搞呢個新節目，宣傳話：「與一般現場節目唔同，有兩個可愛美女共處一室，任你擺布。節目播送三小時內，直接跟觀眾聯繫！你不只是觀眾，可以透過電話、Fax、電腦，成為本節目製作人。」

節目入面，主角就係兩個美女，布景就係佢地身處既「住所」，觀眾可指使兩個主角做任何事、任何動作，包括剝衫；並且可以指揮場內既攝影師，用任何角度拍攝，睇下觀眾有無拍戲，特別係拍「AV」既天分。
呢個節目播出時，電話、Fax、電腦不停接到觀眾既要求，經過現場人員即時篩選，東拼西湊，變成一齣非常無厘頭既「AV」，都幾有趣！

2000年10月7日

日本現場直擊2：電視性信箱節目

新聞來源：蘋果日報

相信唔少人既青春成長期，都有接觸過「性信箱」，乜野「夫人」、乜野「大夫」，甚至「文采小姐」，都陪住好多人成長。咁，「性信箱」變成電視節目，又會點呢？日本既成人電視台就玩「案件重演」同「即席示範」。

係香港，印象中將「性信箱」變成電視節目，未有人試過，有既都係打電話「訴心聲」既節目，即係話由觀眾或聽眾係電話講一大餐，再由主持人「開解」下觀眾或聽眾，解決方法只係用「口」，真正「落手落腳」解決問題既節目似乎未有人試過。但日本人係最搞鬼既民族，佢地將日常好多事情都「小事化大」，變成好鬼抵死既節目。

日本既成人電視台就有個類似「性信箱」既節目，內容分兩部分，由於主要觀眾係男性，所以第一部分會以「女性身體反應」為主，詳盡為觀眾解答「女體」既神秘。

而第二部分至係焦點所在，會解答觀眾來信，更會有「案件重演」。好似最近既話題就有：「我老公同我做愛既時候無做前戲，所以令我黎唔到高潮，應該點辦至好？」；「我男友太『大』，經常搞到我好痛，有無解決方法？」；「我同丈夫最近開始玩SM，鍾意玩皮鞭，最近重鍾意用『晾衫夾』夾對方，覺得好有快感，我地係唔係不正常？」；「我同男友打野戰上癮，係唔係變態？」呢D話題，淨係聽同討論已經過癮非常，重玩埋「案件重演」，都咪話唔「絕核」。

尤其由一班男女主持，你一言，我一語，講下大家既經驗同睇法，然後親身落場示範解決方法。咁「激」既節目，相信除左日本，都無乜幾多個地方出現。

2000年10月6日

日本現場直擊1：猜包剪剝光豬

新聞來源：蘋果日報

最近抽少少時間，去日本走左轉，探下D日本老友。而個邊既成人電視台「Paradise TV」就黎開台兩周年紀念，所以搞左唔少新節目，今次就為大家逐一現場直擊報道。

日本有本成人刊物叫《MAN-ZOKU》（滿足），係其中一本權威既夜遊「搵食」雜誌，佢地不知捧紅幾多風俗娘，最近佢地同「Paradise TV」合作，可謂如虎添翼。以前，本欄都介紹過呢個成人電視台有個「骨場掌門人」既節目，玩D騎呢遊戲，形式就好似「超級無敵掌門人」，搵D風俗娘代表自己既店舖，比拼「最強風俗店」，過程非常抵死惹笑，所以相當受歡迎。

遊戲節目始終講究氣氛，因為電視台既錄影廠唔係咁大，於是決定跟《MAN-ZOKU》合作，每月租用一個大地方，招待一D現場觀眾，一齊搞大個節目，變成呢個每月一次既「月刊MAN-ZOKU PARADISE」。

呢個節目再唔同以前咁，淨係風俗娘之間自己玩，重有觀眾參與。佢地會搵近期至「省鏡」兼「旺鐘」既風俗娘親自亮相，然後抽選台下觀眾跟風俗娘玩遊戲，好似猜包剪，剝風俗娘光豬，贏左就可以得到風俗店既優惠。

即使無得玩既觀眾亦唔使愁，每次節目風俗娘都會賣大「包」，著上至新既Promotion衫（包括無上裝），俾台下觀眾欣賞。好似當日出場既幾位美少女風俗娘，就令人眼前一亮，有D重係現場即席著上透視既宣傳衫，甚至唔著衫，令台下唔少觀眾流鼻血，真係令不動明都有少少覺得不枉此行。

2000年10月5日

理想白馬王子首選深情俊男

新聞來源：東方日報

唔知大家細個既時候有冇幻想過自己心目中既白馬王子會係乜野款呢？話時話，其實麻甩佬同女人一樣都係分好多類型。

想知道有邊類型既男人會特別受女士歡迎，又因乜解究會咁受歡迎？各位就要留意本文，事關今次我地搵左一百位靚女黎做呢個調查架！想知邊類型既男士最吃香，請耐心睇埋落去啦！要數最吸引女性既男人類型，梗係首選情深款款型，相信都冇乜邊個姐妹係唔受情深款款呢招架啦！試想想，當你被對方情深款款咁望住時，真係霖到毛管都戙起架！

瀟灑不羈既男人，不嬲都係咁受女性歡迎架啦！大家諗下，俾人稱得為萬人迷既，多數都係懶瀟灑不羈咁款！可惜，瀟灑不羈既麻甩佬同時亦係代表著冇安全感。唔信大家可以諗下有冇聽過人話：「我男朋友好瀟灑不羈架，但係好冇安全感。」

不過，凡事都有奇跡出現既，如果姐妹你硬係要選擇呢類型男人，就要睇你夠唔夠運，遇唔遇到奇跡出現啦！唔知係咪而家 D 電影、電視劇都鍾意將 D 浪子包裝到鬼咁有型玩關係，居然憂鬱浪子型既男人都能夠入選。

呢類型既男人成日好似嬲左成村人咁款，見親佢都好似口黑面黑咁款，莫講話要呢類型既男士講兩句說話黎霖下自己，甚至要佢開口講句野都難過登天！呢種男人成日都將自己收收埋埋，做佢既另一半，認真要有內在美，姐妹們自問耐力驚人既，不妨考慮下！

屬於才華橫溢型既男人其實相當吃香，唔知大家有冇留意到呢類型既男人除左有才華外，外形多數都係官仔骨骨。呢類型男人受歡迎，實在不足為奇，因為任你搵到個靚仔到震，但毫無內涵既男人又點？任佢幾靚仔，都會有又老又皺皮既一日，都係才子穩陣 D ，起碼第時佢老左，都可以唱隻歌仔，作隻歌仔你聽！

2000年10月5日

少女Web-J網上剝衫博出位

新聞來源：太陽報

IT熱潮減退，部分網站不勝負荷陸續「爆煲」，但三級成人網站卻正進入殺戮期，為了吸引用戶進入網站瀏覽，網站公司發掘大量年輕美少女出任Web-J演出性感真人騷，帶領網友直擊色情場所搶巿。這群美少女亦視Web-J為晉身娛樂圈的捷徑，一位當紅Web-J，親身剖白她成名過程的種種付出。

現時全港規模最大成人網站的當紅Web-J -- Yumi風頭直逼早陣子退出的Web-J黃榕，自恃青春無敵的Yumi說，只要有條件便可在網站一炮而紅，成為進軍娛樂圈的一條捷徑。

十九歲的Yumi自小便嚮往投身娛樂圈，去年參加電視台舉辦的「長腿美少女選舉」，之後被人發掘做電視台的三級真人騷、報章雜誌形象女郎，繼而轉到成人網站首次做Web-J，而今年八月加盟全港第一大成人網站，網站策劃人為求出位更安排她在網上「剝衫」全裸演出。

「最初只講要著小背心、內裡真空貼乳貼，點知臨場要我『剝衫』。不過，當時我無抗拒，都拍得幾自然！」Yumi覺得自己的全裸演出純粹工作需要，並沒半點尷尬，她說：「日本AV女郎都拍性感相啦，有咩咁大件事！我又無男朋友，唔怕俾人鬧。」。

不過，她有點不忿的是那輯照片原本說只放上網，但之後卻刊登在某成人雜誌內，有被人欺騙的感覺，「算啦！登在成人雜誌都有助增加我的知名度，冇所謂啦！」Yumi說。

網站為求加強內容的吸引力，更安排Yumi到澳門介紹風月場所服務，令這個入世未深的女孩子目瞪口呆。「第一次去風月場所，嘩！D『骨女』身材好正，動作好大膽！未去過都唔知。」Yumi坦言，當Wed-J的薪酬相當不俗，她說：「好過做Sales，企十幾粒鐘先得幾百蚊人工，做Web-J兩、三個鐘就有四位數字啦！」她稱，做Web-J都好開心，感覺很新鮮。

但做Web-J的壽命其實很短，網站每隔一、兩個月便轉換主持人，為了不想成為Web-J的犧牲品，所以她趁現在有機會便盡量搏殺，取得一定的知名度便進軍娛樂圈，亦是她最終的理想。

「二十幾歲仲做Web-J，行性感賣青春，唔掂啦！已有電影商斟我年尾拍電影，有機會做女主角呀！」Yumi稱，做Web-J只是一個入娛樂圈的踏腳石，她身邊也有不少女性朋友有此想法。

為準備加入娛樂圈大展所長，她現在一邊做Web-J，一邊學日文、英文、唱歌跳舞，希望能在娛樂圈成功出位。但她堅決表示，將來不會拍三級片，也不會再在網上「剝衫」全裸演出，現在的底線是穿三點式泳衣。

據網站負責人黃韋龍透露，他們的網站投資現已超過一百萬港元，網站並非全是色情內容，因為整個網站分為多個部分，主要針對男用戶。而以年輕少女去做網站主持是一種試驗性質，一旦成功，他們將會每月更新面孔增加新鮮感，以提高瀏覽人次。

「我地個網站五月成立，用Web-J只係近兩個月開始，因為除左真人騷，其他電子商業都係內容，以我地投資左百幾萬計，明年會開始收費，預計年中就可以收支平衡。」他表示。

網站殺戮時代迫在眉睫，三級網站需要大批性感Web-J，由於成為Web-J後，部分有機會得到娛樂圈人士青睞，不少少女更視晉身網站Web-J為加入娛樂圈的捷徑。據悉，現時就有大批妙齡少女欲投身成人網站而輪候面試。

香港的成人網站早於九四年已出現，名為「救國聯盟」，主要是交流記事形式，由用戶將一些尋歡作樂心得發放在網上，供其他用戶瀏覽及互相交流心得，並無商業用途及收費。及至九五年，私人家庭式製作的三級網頁興起，但當時只屬小型網站形式，內容以真人圖片及色情內容為主，這亦是香港三級成人網站的雛形。

隨之，一些以聊天室及真人騷形式的成人網站進軍巿場，以逐分鐘收費形式向客人收取費用，網站聘請年輕女Web-J（網站主持）招徠用戶，令成人網站再次轉型。

發展至今，在網頁風氣席捲全球下，多個全新形式成人網站進軍香港巿場，一些有雄厚實力的網站相繼成立，他們動輒投資數百萬港元去開拓巿場。由於網頁加入三級真人錄影片段及用妙齡女Web-J做「生招牌」，個別受歡迎的成人網頁瀏覽人數，每日衝破五十萬人次新高，成為近年成人網頁的高峰。

2000年10月5日

現代催情用品加添性樂趣

新聞來源：太陽報

近期一套港產電影《獸性新人類》，講述男主角專門用一些催情藥來激發身旁女性性慾。在現實生活中，也有一些能夠激發男女雙方性慾的性用品，只要適當使用，除可提高彼此興奮程度，更可增添生活情趣。

當兩性相悅，情到濃時，少不免會作出一些親熱行為。為了增加情趣，不妨在下次與伴侶親熱時，加一點按摩油，包保大家感到興奮莫名。一款名為「Hustler」的按摩油，共有三種味道，只要將它塗在身上，再用手輕輕按摩一番，不久便會產生一種火辣辣的感覺，令人不期然進入興奮狀態。此外，這款按摩油還可以食落肚，對身體絕無大害，令大家玩得更加盡情。

踏入秋季，由於天氣乾燥，不少人都喜歡在沖完涼後搽上一點潤膚膏來滋潤皮膚。如大家有這種習慣，一隻名為「Hot Motion Lotion」的按摩油就一定適合使用，因為這種按摩油，除了可增加性慾外，更有濕潤成分，可以呵護細嫩的肌膚。

只要沖完涼塗上後，慢慢替伴侶輕柔按摩一番，便會產生一種熱力感覺，令身體發熱，可以增加纏綿時的興奮感覺。這種按摩油有三款味道，包括有車厘子、士多啤梨及奇異果。

在寒冷的冬天，想享受暖洋洋的性愛，不妨使用一種名為「Tropical Island Oils」的按摩油，它除了可令身體發熱外，更有一種如被海浪輕掃身體的感覺，令人十分舒服，猶如置身海洋之中。在兩種因素刺激下，人的情慾便會不期然產生。

如果想在做愛過程中，發出陣陣香味，不妨使用這隻名叫「Sweet Sensation」的按摩油，因為它能散發出一種很甜的車厘子香味，令使用者不期然產生一種興奮的感覺。這隻按摩油還有一個特別之處，除了按摩時會產生暖意外，還會令人產生興奮作用，只要用鼻一索就會有反應，而且味道香甜，就算食落肚也沒有問題。

很多男女都會因為某些生理因素，當與伴侶溫馨浪漫時，會借助一些潤滑劑來減少不必要的痛楚。這種名為「Tropical Fruit」的潤滑劑，特別經過改良，除了可以增添潤滑程度，令大家「暢通無阻」外，更有一種和暖感覺，可以激發性慾。這種潤滑劑一套有六款不同生果味道，實有一款合你心意。

一般人搽香水，都是想增加本身的魅力。但大家又有沒有想過香水可以誘發自己和伴侶的性慾呢？這種名叫「Lure」的香水，包裝與一般香水差不多，十分精緻高貴，這種香水除了可增加個人的吸引力外，更會令人產生興奮作用，感覺有生理需要。當與伴侶溫馨時，噴一點在身上，伴侶嗅到那種氣味之後，一定會攬到你實一實。

這套名叫「Hot Stuff」的按摩油，一盒四支，各有不同味道。而且非常袖珍，出外旅行時也攜帶方便。這隻按摩油與之前介紹那幾款功效大同小異，但唯一不同的是，它主要是用鼻來索，身體便會產生熱能，並有一種衝動感覺，可以加快使用者性衝動的時間。

其實兩性之間的親密行為，即是等於食飯一樣，如果經常都是獨沽一味，真係悶都悶死。所以有時也應該尋求一點變化，如能適當地使用一些性用品來輔助，的確能加添不少情趣。

2000年10月5日

俄羅斯伴遊出國搵食斷窮根

新聞來源：太陽報

前蘇聯自從解體成多個國家後，經濟一直未見起色，身為龍頭的白俄羅斯，人民更是怨聲載道，甚至連當地的伴遊女郎也不甘心留在本土搵食，出國掘金便成了她們的唯一心願。

Natasa覺得在俄羅斯當伴遊，收入已經比很多行業好，但她所講的好，並不是香港人心目中的夠錢買車買樓，只是夠她一家三口的三餐溫飽而已，所以當她有機會接觸外面的世界，便愈覺得留在俄羅斯，生活一定不會得到改善。

為了擺脫貧困，她唯一可以做的，便是找機會出國掘金，就算是非法，她也願意博一博，因為出國博三年，隨時等於在俄羅斯做十年。

女人的青春畢竟是有限的，與其在本土捱十年，不如出外博三年，來得更划算。這種想法在當地的伴遊圈子是非常普遍的，再加上她們接觸很多外地遊客，都表示外國有很多人喜歡俄羅斯妹，一來覺得她們夠神秘，二來覺得她們是出色的床上對手，更令她們覺得只要有機會出國，便等於有機會去掘金一樣。Natasa透露，她希望出國就是想趁後生搵多點錢，以實現自己在三十歲前退休的理想。

其實香港也有很多非法入口勞工的存在，並非每一個都可以幸運地掘到金回國歎世界的，很多時更被無良的僱主舉報，不但白做，甚至要坐牢。出外搵食的妓女，境況就更加辛酸，在無親無故的陌生之地出賣肉體，不可以生病，也不可以放假，寂寞的時候，連一個傾訴對象也沒有，這樣的日子不是人人可以捱得住的。

不過Natasa早已作好心理準備，一旦有出國的機會，她也會毅然踏上征途，生命早已成為她的注碼之一。人離鄉賤，乃是不變的定律，俄羅斯人為了生計，迫於無奈遠走他方，更要賣肉為生，實在值得同情。希望有朝一日，能夠脫離苦海，返回家鄉重過新生活。

2000年10月5日

另類興趣小組玩拍素人寫真

新聞來源：蘋果日報

日本近年「素人寫真」氾濫，有D真係由D有情人，係搞緊野既時候，將「美好時刻」影低；但有D卻係出自「專業」素人攝影師既傑作。其實唔少男人都好想一嘗做素人攝影師既滋味。係日本竟然有人發起搞「興趣小組」，大玩呢類寫真同Video，美其名藉以減輕平日工作及生活既壓力。

依家係日本成人刊物睇到既「素人寫真」，大部分都係個人投稿，或者專業攝影師所為。如果有人唔怕面懵，貿貿然都可以係街上面搵到女性拍寫真，相信已經到左道德完全淪亡既地步。但有班人又懵唔晒，佢地明白只要團結，就可以凝聚力量完成心願。

呢班人住係大阪，佢地平時生活好苦悶，唔少重係身居要職，但因為經濟不景，份工危危乎充滿壓力。其中有個44歲既發起人，同朋友風花雪月時，突然提到想試下做素人攝影師。本來大家諗住吹水，但有人發起係雜誌「徵友」，竟然俾佢地搵到成班志同道合既人。

佢地於是組織起黎，發散人去搵素人Model。有D人係玩Line高手，就去「電話俱樂部」搵Model；有D就上網或者係成人刊物徵求，終於真係俾佢地搞左個叫「Deep Friends」既組織。參加佢地個會，先要登記成為會員，主要係留低真實個人資料，慎防有人將D寫真同Video賣俾人或作不當用途。D寫真同Video只供圍內傳閱欣賞。佢地每逢假期就會約好「素人娘」，去大家既屋企或者安排好既地方進行活動。

佢地雖然係一個「共同興趣小組」，但唔係玩玩下。佢地堅持要清楚會員背景，要中產以上；參加既人一定要合作，乜野都可以玩，聚會時要玩得盡情，唔可以扮野。其實類似既「興趣小組」係日本愈黎愈多，只不過佢地玩得高調D，肯俾傳媒採訪。

2000年10月4日

認識女性高潮生活自然協調

新聞來源：太陽報

性高潮的產生，男女雙方都有很大不同，男性要獲得高潮，比女性較為容易，女性若得不到高潮，其影響可大可小，嚴重者會導致雙方感情破裂。性生活要得到協調，先要認識女性的性高潮類別，極大部分女性，都不能享受性高潮，因而影響雙方的關係，男性在這方面，有極大的責任，因為女性高潮的產生，主要是男方懂不懂得配合。

美國性學博士威廉哈特曼所著的《Any Man Can》中，其中一節便提及，男性在性行為中，令女性達到高潮，是性行為最終目標，他把性高潮分為三個類別，分別是陰蒂性高潮、陰道性高潮和混合性高潮。

陰蒂性高潮又稱陰核性高潮，產生的情況比較簡單，可以透過男方的口、手的刺激而達到，甚至在性交過程中，從雙方性器官的摩擦而產生，產生時間比較短暫，有連續性，如同潮水一般，一浪接一浪。

陰道性高潮主要透過性交時，雙方性器官的摩擦，令陰道內某些敏感部位、以及子宮的刺激而出現高潮，這種高潮產生時的感覺很強烈，跟男性的性高潮形式相似，事後會感到疲勞和極具滿足感。混合性高潮則混有以上兩種形式，不是以哪一種為主，而是兩者俱備。

坊間很多書籍，經常把男女同時達到性高潮，描繪成性行為最佳狀態，這其實很難做到，威廉哈特曼在書中提及，要達到同步高潮。首先男方以愛撫陰蒂，或通過性交時摩擦，令女方先產生陰蒂性高潮，甚至由此而誘發陰道性高潮。

他強調一點，並非要做到完全同步，完全同步的可能性很微，這只是吹毛求疵，只要雙方的性高潮時間接近便可以。假如雙方不能把時間拉近，但只要雙方都能夠心滿意足，這亦是完美的性行為。首要還是令女性達到高潮，令性行為得到協調，這樣對兩人的感情維繫，有極重要的作用。

要做到同步高潮，當然存在一定難度，就如威廉哈特曼所言，這是要雙方作出嘗試方可，最重要是兩人都能夠得到滿足，不應把同步高潮，作為性生活的唯一指標，強行要達到同步高潮，反而能令性行為變成無形壓力，反使歡愉的性生活得不到協調。

2000年10月4日

歐陸式餐廳掀起醉人情懷

新聞來源：太陽報

浪漫的燭光晚餐可增進情侶間的感情，絕不可以馬虎了事，所以身為男友必須要花點心思，找一所情調醉人的餐廳，跟女友浪漫一番。但有時頗為費煞思量，但最近深圳就有一間歐陸式西餐廳開業，應該可以幫到大家手。

香港人北上消費已成趨勢，亦因此帶旺了深圳的樓市，新屋苑一個接一個推出市面。最近在都市一路近寶安南路口，就有一個名為「都市名園」的新屋苑剛剛入伙。每逢有大型屋苑建成，都會帶旺該區的消費場所，尤其是飲食業，皆因衣食住行乃生活的必需品，所以該屋苑附近多了不少食肆，其中一間名為「卡法」的西餐廳酒廊，相信日後有機會成為情侶的拍拖勝地。

卡法樓高兩層，有一個大露台，裝修充滿歐陸風情，入夜後，每張餐桌都會點起洋燭。試想想，在燭光影照之下，跟心愛的人共進晚餐，情景是多麼醉人呢！倘若嫌環境不夠浪漫，不妨叫這兒的侍應生，安排坐於露台的位置。因為卡法的露台設有大玻璃窗，顧客可一邊進食，一邊欣賞深圳的迷人夜景，相信在此情此景享受燭光晚餐，一定可以讓女朋友留下深刻的印象。

除了一流的情調外，想度過完美的一夜，美食當然不可缺少，卡法主力提供牛扒美食，所用的牛扒均從香港精選搜羅，質素遠超一般深圳的西餐廳；咖啡更是從巴西直接輸入，此舉可確保餐廳整體食物質素，都屬於一流。

卡法每日於早上十時開門營業，一直做到凌晨三時，每晚九時後這裡會變作酒廊，而在晚上九時半至凌晨，更會有歌手在台上獻唱。若然顧客興之所至，大可以擁著情人，在柔揚的樂曲之下，和她翩翩起舞，增添浪漫氣氛。

據卡法的負責人表示，因為餐廳附近均是高級住宅和商業大廈，所以平日除了多情侶光顧外，還吸引到大批文職人士到來，其中尤以女性為多。她們很喜歡在放工後，約同三五知己到該店食晚飯和聽歌，紓減緊張的工作壓力，所以大家想結識深圳的靚女，不妨來這裡碰運氣。

而且為了答謝各食家，在新開張期間，大家凡於卡法光顧滿五十元，該店會即時回贈十元現金券，顧客更可儲起現金券一次過使用，十分實用。

2000年10月3日

陀地PR搶客求存真空上陣盡地一Show

新聞來源：東方日報

近年，香港夜總會俾澳門搶左唔少生意，人客寧願長途跋涉，都要趕頭趕命遠征「濠江」，深究原因，主要關乎兩地 PR 小姐既工作態度。

澳門夜總會既 PR 小姐，一向以「任勞任怨」見稱，人客真係想點玩都得，相反香港班「矜貴」 PR 小姐，對於人客既要求，唔係推三推四就耍手擰頭，同澳門街 d PR 小姐相比，工作態度絕對有天淵之別，唔少人客講過：「去香港夜總會玩，簡直係貼錢買難受。」

今日，有香港夜總會揚言，佢地旗下既 PR 小姐與別不同，工作態度一流，原來佢地有一招撒手澗，可以令人客耳目一新，由以往既「難受」，變成今日既「享受」。佢地既絕招係 -- 全體 PR 小姐「真空上陣」！咁就真係轉死性囉！

其實近年香港夜總會生意麻麻，唔少 PR 小姐都係坐緊冷板吊住鹽水，某 D 場既 PR 小姐為左 Keep 住 D 人客，都已經唔敢學以往咁，吊高黎賣，其中有個別 PR 小姐更一反常態，由冷漠保守變成熱情豪放，主動唔戴 Bra 玩真空上陣，對於班人客黎講，香港 PR 小姐有咁既轉變當然係非常受落。

未去過夜總會既人可能唔知，但對於班香港夜總會常客黎講， PR 小姐「真空上陣」？一定有受寵若驚既感覺。大家咪以為 d PR 小姐全部賣藝賣身明碼實價，但對於「衣著」佢地都係保守一族，當然仲有 D 「吊起黎賣」既心態，所以大部分香港 PR 小姐都係另類「密實」姑娘，唔係講佢地既性態度，只係講緊佢地既衣著。

自從有少部分 PR 小姐自發性「真空凸點」坐檯之後，真係吸引唔少人客捧場，呢點唔難明白，男人上夜總會做乜？傾生意、猜枚飲酒唱歌統統係其次，想「鹹濕」先至係首要目的，有 PR 小姐真空凸點免費俾你睇，就算真係眼看手勿動都好，在男人心態黎講，點都係眼福不淺包冇蝕底啦！

橋唔怕舊最緊要受，既然 PR 小姐真空上陣對提高生意額咁有效，夜總會方面當然見獵心喜，有位夜總會負責人自稱不辭勞苦，用左一個月時間，勸服全場 PR 小姐泵左個 Bra ，齊齊真空上陣搶生意。

「只要 D 男人一日仲鹹濕，我呢條橋就一定有效，對於人客既反應，我一 D 都唔擔心，最緊要班女聽聽話話，呢條橋雖然係舊，但我敢講絕對係長做長有。

不過要講掂班女真係唔容易，又跪又氹總之乜野橋都出齊，最後仲要我同 D 老闆傾掂數，肯真空上陣既，全部另外有獎金，呢個世界就最現實，冇錢就乜都唔使講，肯俾錢就樣樣有得商量，最後全體幾十個 PR 小姐都應承，我先至鬆一口氣咋！」負責人富哥語氣絕對無奈。

香港同澳門唔同，香港 d PR 小姐真係好少咁聽話，類似富哥所講既全體 PR 小姐響應，仲要佢地肯真空凸點上陣，老實講真係唔容易。小記同班 PR 小姐傾過，雖然佢地響應夜總會方面既號召，但其實心裡面絕對有微言，其中一位 PR 小姐仲話：「真空上陣其實好麻煩。」

小記雖然唔係女人，但單憑幻想，都知道女人唔戴 Bra ，應該會有自由自在解除束縛既感覺，咁又點解會有麻煩呢？原來問題出係佢地既上圍 Size 個度。

女人身材個個唔同，著住衫就唔多覺，但而家統統唔戴 Bra ，加上仲要著住件超薄小背心上陣，真係大細形狀一覽無遺，上圍適中又夠堅挺既，當然冇乜問題，但若然係身材勁既超級波霸，又或者係平胸飛機場既 PR 小姐，真空上陣？原來真係幾鬼麻煩！阿 May 上圍足足 36D ，佢對於真空上陣既感覺，覺得仲慘過俾人打一身。

「我個胸咁大，平日戴住個 Bra 行路已經有拋下拋下既感覺，而家仲要真空，行一步路都好辛苦，仲有呀！我呢 d Size 既胸，你話要好挺真係冇可能，有時坐檯既時候，個胸就墜左落去，搞到我成日都要搵手托住，幾麻煩呀！」

巨胸咁鬼麻煩，其實平胸都係咁慘，上圍得 32A 既 PR 小姐美詩形容，真空上陣搞到佢俾人笑到面黃。「我呢 D 飛機場身材，平日就梗係戴個 Push Up Bra 充炮艇扮下野，而家間場玩真空上陣，我即刻乜野料都俾人知道晒，而家其他小姐一見我就笑，個個叫我『洗衫板』，幾鬼瘀呀！又冇尊嚴，而家冇波犯法咩？」

2000年10月3日

少女剋星漁夫帽色魔肆虐天耀村

新聞來源：東方日報

露體的變態狂徒，近日又再肆虐於青衣和天水圍區，猶幸青衣居民組成的自衛隊於數日前成功將一名露體男子拘捕，不過另一位出沒於天水圍天耀村，專從後箍頸胸襲少女並企圖施暴的「全裸漁夫帽色魔」，卻仍逃之夭夭，其神出鬼沒的行蹤，令保安員和警方也為之束手無策，區內的妙齡少女出入時亦只有提心吊膽！

天水圍天耀村接二連三出現「全裸漁夫帽色魔」的消息，很快便傳遍整個屋苑，不少街坊聚在一起時更繪影繪聲說「漁夫帽色魔」可能是區內一個行為異常的「黐線佬」，不過最終各人仍是茫無頭緒，只得一個「驚」字！

住在天耀村的王小姐表示，在「漁夫帽色魔」近期再度出現後，晚上回家時也會格外留神，避免獨自行經僻靜的地方。另一位住客陳小姐則擔心一旦遇上色狼也不知如何是好，惟有提高警覺，每次到達屋村範圍時，都會致電家人接送上樓，總之，色魔一日未捉，就是一步一驚心！

元朗區議員黃祥光表示：「其實 D 街坊都幾驚，尤其係 D 年輕女街坊，出入都要左望右望。」全身赤裸的「漁夫帽色魔」於今年四月首次出現，想不到五個月後，又突然再度「出擊」，這種來無蹤去無影的犯案手法，街坊也為之心寒，出入也只好加倍防範。

「其實天耀村以往都經常發生風化案，不過只限於『露體狂』或者係住戶鐵閘前做 D 不文動作之類，不過近期兩宗『漁夫帽色魔案』的犯案手法似乎有變本加厲之勢，突然出擊從後胸襲女事主，更企圖將受害人拖去後樓梯施暴。」

黃議員認為，「漁夫帽色魔」偏偏選中天耀村接連犯案，主要是由於大廈大堂設有兩個出入口，縱然有大廈警衛輪更把守，也只能注視從前門出入的外來人，而兼顧不了後門，因此尾隨住客而入的情況絕對是防不勝防。

此外，天耀村過往發生的風化案中，警方破案數字均十分低，能成功破案的僅有一宗而已，令色魔更加肆無忌憚挑戰警方。

天耀村耀昌樓互委會主席方亞明指出，他亦收到不少關於受露體色魔滋擾的投訴，這些露體色魔的出現時間可謂「全天候出動」，無論是早、午、晚都會見其蹤影，而受害者通常是一些無反抗能力十二、三歲少女。他懷疑近日的「漁夫帽色魔」可能是村內居民所為，原因是兩宗案件發生後，縱使警方即時封鎖案發現場進行搜查，仍讓犯案者突破警方的搜索範圍，逃之夭夭，顯示「漁夫帽色魔」十分熟悉天耀村的地形。

據天水圍分區指揮官侯德仁表示，在天耀村發生的兩宗「漁夫帽色魔案」仍在調查中，不會作出任何評論，不過他卻呼籲市民一旦被色魔侵犯時，應盡快報警以助緝拿兇徒，若受害人在案發後遇見懷疑是犯案者時，亦應盡快通知警方！

除了近期的「漁夫帽色魔案」，天水圍天耀村於九三年亦曾發生轟動一時的企圖強姦事件。當時屋村入伙不足半年，便接二連三在五個月內發生五宗企圖強姦女童案，村民曾一度埋怨警方巡邏不足，警方眼見事態嚴重，遂決定推行鄰舍互助運動，由房屋署職員組織居民自衛隊，並協助無成人陪伴的女童返家，計畫甚受居民歡迎，亦收到一定的阻嚇作用。

不過，計畫持續了一陣子後便沒有再繼續推行，此後，也有發生小型的風化案如露體狂等，居民鑑於事態不算嚴重，也沒有考慮再組織自衛隊！

心理學家認為露體狂屬於病態的一種，可能受其過去經歷影響將不快壓抑心中。葵涌醫院社區治療組精神科趙少寧醫生稱，他們普遍自尊心脆弱，有嚴重抑鬱傾向，社交能力低，結識異性也有困難，因此希望以暴露身體讓女性驚恐，從而滿足獸慾。

至於採取進一步的非禮行徑，則可能反映色魔有反社會人格，有強烈的佔有慾，希望藉著性侵犯宣洩對社會的不滿，甚至想以暴力駕馭女性。

中文大學心理學系梁展鵬教授指一般變態色魔可能外表斯文，有正常家庭，也如常人般工作，只是性格變態，而這類人通常會再三犯案，此外，露體狂多循同類型目標選擇事主，如以前曾冒犯的事主為少女或學生，以後便多找這類女性為獵物，憑過往經驗和熟悉環境下再次犯案。

2000年10月3日

促銷性用品全情投入冇禁忌

新聞來源：東方日報

好多人都會覺得，一般良家婦女，正經人家，點會成日講住性呀，做愛呀！不過，性商店負責人 Janet Wong 就百無禁忌，日日與震動器、避孕套為伍，佢話自己寓工作於娛樂，一直都係輕描淡寫咁講性高潮、性技巧，大方而爽朗！

大約五年前， Janet Wong 只是一個普通既太太，抱著好奇心，加入一間性用品店舖做營業員，從此，生活再唔普通，每日都要努力咁推銷：「呢隻震蛋最岩囉黎刺激陰核，增加前奏既情趣！」又或「個 Cock Ring 就會令男士更容易興奮充血 … … 」你唔會諗到呢 D 說話係出自一個咁溫文正經既太太口中。不過，佢係出奇地開放，諗起當初入行既時候，佢都係一心貪玩，覺得呢行好得意，好少機會接觸得到，所以就大住膽去試試。

更難得既係，就連家人都相當支持佢，已婚既佢，丈夫不但唔介意，仲鼓勵佢去學多 D 野，就連長輩都好開通，「我 D 屋企人個個都知道我做呢行，大家都好支持我，有時過時過節， D 親戚朋友問起我做緊乜，我都會直接話俾佢地聽，唔見話好抗拒，當然佢地係背後點講就唔知！」所以，幸運地從來未聽過好難聽既說話。

份工過到家人個關，自己又覺得好玩，結果一做就做左五年， Janet 主要集中做前線既推銷工作，日日同人講性經，係小小既舖頭內，可謂見盡人生百態，唔少經歷都令佢相當難忘！

佢記得有一次，有對男女黎買自慰器俾個朋友，細問之下，原來客人既朋友只得十六歲，被女友傳染到性病，一直沒睇醫生，整個龜頭已經潰爛，所以唔可以做愛，惟有自行解決性需要。

Janet 一聽就嚇左一跳，年輕人性知識貧乏，朋友既情況咁嚴重，佢地只係關心佢既性慾問題，實在荒謬！ Janet 於是即席教左一堂性教育課，講 D 關於安全性行為既知識俾佢地聽，叫佢地唔使買情趣用品，最緊要快 D 帶朋友去睇醫生。社會上真係乜野人都有，幾荒謬既事都會發生！

另外，亦有一 D 存心囉便宜既麻甩佬，黎到舖頭唔係睇貨品，只係一路撩佢傾偈，講鹹濕笑話，甚至好露骨，用粗口字眼去描述自己既性經驗，「有次，有個男人一入到黎就話：『有乜我未見識過呀，女人個 × （性器官）款款我都見過。一 D 係嫩、一 D 縐 … … 」

佢話入行時，聽到呢 D 說話真係唔識應付，面都紅晒，成個人呆晒，依家就好好多囉，三兩下手勢就打發到佢地走，最佳既方法係唔睬佢地，唔好嬲，唔好激動，求其應酬下，等佢冇癮自己走。

不過，整體黎講，工作都係開心多過唔開心，其中，令佢最欣慰既係同好多顧客建立左深厚既感情，因為佢地可以毫無束縛咁同你分享自己最深入，最私人既心事，所以好快可以成為好朋友，大家好坦誠咁傾偈，交流下意見。「我有唔少顧客由開舖到依家都繼續幫襯，好支持我，大家亦係好朋友，實在好難得。」佢話呢樣都係工作最大收穫。

當然，除左友誼之外，大家都會諗住佢近水樓台，一定有好多著數，有機會試勻各種唔同既產品， Janet 話自己都鍾意用下 D 情趣用品，同老公搞下情趣，大家都配合得相當美滿，「我一向追求完美既性生活，不過唔係重量而係重質，所以，唔使一晚做好多次，只要有一次係精采既就已經足夠。」

自己做呢行，當然係呢方面既專業，難怪老公有時都要向佢討教，老婆係呢方面更勝一籌呢！另外，佢話自己用過，對貨品有更具體既了解，無論採購、推銷方面都幫助好大，「自己用過，知道貨品既優點、缺點，同客講既時候，說服力都大 D 啦！」 Janet 好自豪咁話。

見 Janet 咁大方自然咁講性用品，起初感覺怪怪咁，慢慢受到感染，大家侃侃而談，先了解到貨品既博大精深，對於佢既仔細描述，就係更加佩服！

2000年10月3日

睡姿看出真性情

新聞來源：太陽報

人們睡覺時，身體總會翻來覆去，一夜之間出現多種睡姿。所以，醒來時的睡姿，就是自己所追求的最舒服睡姿。在心理學來說，醒來時的睡姿是可反映人的潛在性觀念。不妨留意睡在你身邊的伴侶，大多數是採用哪種睡姿，藉此知道他對性的心態是怎樣。

仰臥而睡的人，代表他敢於面對困難，做事明刀明槍，簡單直接。在性方面也一樣，當發覺自己有性需要的時候，他便會直截了當地向愛侶表明心中所想，事前不會做太多花巧工夫來調情。假如發現雙方在性事上未能得到協調，他亦會即時將問題攤出來商討，盡快找出解決辦法。

習慣側睡的人，每事都追求新鮮感及理想化，在他心目中已有一幅完美的戀愛生活畫面。他討厭單刀直入的性行為，是個能在肉體和愛情中取得平衡的人。性愛對他來說，只是讓愛情昇華的步驟，故此他的性慾不會太過強烈。

俯仰而睡的人，對自己缺乏信心，亦不會輕易相信別人，思想絕對保守之餘，更是頑固的老古董。尤其在性事方面，可說是不入流，一旦對方採取太露骨或不雅的性行為時，就會十分抗拒。他亦不會講究事前的氣氛，因為他覺得性愛只是傳宗接代的必經步驟。

抱著枕頭而睡的人，腦子不時都充滿了性幻想，沉溺於追求性高潮的刺激之中。但因為心中存有些心理障礙，故此這類人往往卻只得空想而未能加諸實行。他是十分需要別人關心，並希望從性生活中得到慰藉，從而填補心靈的空虛，所以追求性愛已成為他生活的一切。

這個心理測驗，是以人們在熟習環境採用慣常睡姿而作定論，假若是在一處陌生的地方睡覺，便有機會改變本身慣常的睡姿，所以最佳測驗地點，莫過於個人的睡床。

2000年10月3日

伴遊出狀元兩年建立事業王國

新聞來源：太陽報

普通人眼中，從事黃色事業的人肯定沒有出息，絕不會有好人；但「行行出狀元」，美國伴遊界就有一名才女，她僅用了兩年時間，便創立了市值過千萬的伴遊王國，所以奉勸大家不要一竹篙打一船人。

Vanessa Dash是一位美籍非洲女子，在華盛頓僅做了兩年伴遊，便創立了以自己名字命名的伴遊公司「Vanessa's Angels」，旗下有十數位高質的伴遊助她打天下，身為老闆娘的她更是出錢出力，令公司的業務蒸蒸日上。據估計「Vanessa's Angels」現時的市值超過一千萬美元，所以Vanessa Dash堪稱美國伴遊界的才女。

此外，憑著個人美色和驕人成就，Vanessa曾多次被成人雜誌邀請做封面女郎和接受訪問，令她在業界內聲名大噪。許多人都認為只有不學無術的女仔，才會投身黃色事業，但Vanessa的出現足可將此觀念改寫過。在尚未做伴遊之前，Vanessa曾接受高等的教育，擁有工商管理學士學位的資歷，更曾於美國軍部工作，收入相當不俗，享有中產階級的物質生活。後來她有感工作欠缺挑戰性，經友人的介紹下，才毅然投身伴遊界。

對Vanessa而言，伴遊與妓女是兩個完全不同的職業，伴遊的選擇性很大，客人亦未必一定要求有性服務，不少客人都是為了找個異性陪伴旅遊、出席宴會、傾訴而聘用她，當她感到時機成熟時，才會自願跟客人發生關係。

講到成功之道，Vanessa認為最緊要是自己瞧得起自己，堅持自己的人生目標，不斷向前邁進。她認識不少同業，她們多患上一個通病，覺得做伴遊出賣自尊，所以經常借助酒精、毒品、賭博等不良嗜好麻醉自己，花光自己辛辛苦苦賺來的金錢。她很慶幸自己沒有染上這種惡習，而且她的目光放得很遠，方可在極短的日子內儲夠錢，開辦自己的伴遊公司，保障將來的生活。

除了上述的問題外，Vanessa還覺得許多同業都不太注重自己的體態，為了賺多一點錢，她們頻頻接客，不會抽時間做運動，久而久之，身材一定走樣。因此她現在仍堅持每日都抽一個小時做運動，時刻保持最佳狀態。此外，她更不斷進修，最近她就正修讀一個法律學位課程，希望所學到的法律知識，可有助公司的未來發展。

2000年10月2日

女人核突男人縮窒

新聞來源：東方日報

男人愛女人係天性，每次想得到一個女人前，雙眼都好似戴左濾鏡咁，乜野缺點核突野都睇唔到，但係一同 D 女人上床，就乜都現晒形，露出多種足以令你打消臨門起腳意欲既核突野！

第一位：極虐 S.M. 女王

曾經有個朋友，係酒吧溝到件正宗斯文 OL ，玩到咁上下出街 Happy ，一心諗住可以趙件溫純小家貓，點知一入房， OL 就係手袋囉左 D S.M. 用具出黎，包括手扣、皮鞭同蠟燭，個朋友當堂嚇一跳，但係心諗都未試過滴蠟落女人度，所以轉驚為喜，不過結果係倒轉，條 OL 二話不說，已經用手扣扣住佢一隻手，而另一面則扣住床頭，到呢一刻，我朋友先知呢個 OL 係有鋪打男人癮。一晚過後，我朋友傷痕纍纍，帶住沉重既步伐離開酒店，仲話以後唔再係酒吧溝女。

其實每一個男人，心底裡面都總有 D 暴力傾向，想係性行為中發洩出黎，但係俾人做發洩對象就極少人願意，可能狂野難馴既女人會多男人鍾意，但有暴力傾向既就咪搞勒！

第二位：熱情沙漠乾晒塘

唔知由幾時開始，男人以女人興奮時多唔多分泌，黎界定一個女人淫唔淫蕩，咁小記就有個問題勒！如果多分泌多到好似缺堤咁就等如極度淫蕩，咁冇水又係咪代表佢唔淫蕩呢？有位朋友就試過同一個對性事頗為保守既女朋友做愛，未做之前諗住呢位女朋友既「水分」會唔多充足，點知佢被男朋友搞左一輪之後，下面有如黃河水漲咁，不過佢依然非常保守，而且表現得含羞答答，以呢個例子黎睇，呢個女仔又算唔算淫蕩呢？

反之，另一位朋友亦試過同一個態度熱情豪放既竹昇妹搞野，但搞到真係乜野花臣都出晒，條女都依然好似非洲沙漠咁 -- 乾晒！做之前諗住個竹昇妹又高大又好身材，一定好似 D 加州甜橙咁多水又多汁，點知「龍游淺水」，事後大呼冇癮。

所以話，做愛既時候，女方水分足當然冇問題，若然遇著個「人乾」，真係幾靚都冇用，熱情如火又如何，倒不如搵個水分足既老姑婆。

第三位：平坦機場冇楂拿

有冇發覺近排娛樂圈，好似冇晒 D 肉彈女星？小記本身就非常失望勒！成日見 D 女明星都係得個高字，前唔凸後唔凸，毫無女性體態美可言，冇錯著起衫行 Catwalk 可能會好睇 D ，但除晒衫睇全相又如何呀？我問晒全公司男同事，都話寧願揀個樣貌平平，但身材有前有後，都唔想要個天使面孔，波平如鏡既性伴侶。

視覺上既刺激事小，有冇楂拿事大。搞野既時候手上空空如也，不著邊際，好冇癮架嘛！飛機場？ No Way ！

第四位：撞正白虎大件事

中國人最講意頭，以前 D 女人剛嫁入男家，撞岩家公家婆過身，就俾人亂講話係「劏豬檯」，以後都會受到歧視，雖然現時既人開通左好多，但講到冇陰毛既白虎女，相信十個男人九個耍手，好多人仲覺得同白虎女搞過會行衰運。雖然話少幾條毛咋！不知幾多男人談虎色變，尤其係 D 忠實賭徒，寧願死都唔會揀白虎女黎搞野！所以奉勸 D 鍾意剃毛既女性，咪剃下剃下，過癮得滯，走去剃陰毛，真係嚇死狗架！

第五位：臭味難擋無情講

俗語有話「臭男人，女人香」，顧名思義，男人身上面有一股臭味，可能係汗味，亦有可能係煙味，總之就有陣味，不過咁多年黎，女人已經習慣左呢陣味，只要唔過分，就可以接受，反觀一向以香味馳名既女人，如果有臭味，男人又頂唔頂得順？答案係完完全全頂唔順！相信大家身為麻甩佬，都試過搭交通工具時，見同車出現美女，就行近 d 諗住可以一親芳澤既經歷，小記當然試過，但索油索著火水。

話說有次搭架人頭湧湧既地鐵，見到一個超級靚女係身邊兩尺範圍內，冇任何雄性動物，小記心諗點會咁筍？當我企埋去時，我就知道咩事勒！原來呢位美女單手舉起拉住扶手時，一陣陣臭狐味隨地鐵既加速，迎面吹向我，嘩！我即時感到一陣暈陀陀感覺，個靚女見我想暈，就好心開口慰問，唔開口尤自可，一開口我就即時暈低，因為佢個口太臭勒！比佢個有臭狐既胳肋底有過之而無不及，問你死未。

2000年10月2日

追求三大職業女性有法寶

新聞來源：太陽報

很多時候，大家在街上都會遇到不同種類的職業女性，她們的樣子十分吸引，令各位蠢蠢欲動，希望上前結識，可是如此唐突，十分容易「食檸檬」。以下這三種職業的女性，只要你能迎合她們的心境狀況，便能展開追求！

可能有很多朋友感到，追女仔非常困難，經常被拒絕。話雖如此，以下這些職業的女士，如果能夠用有效的方法追求，相信必定可以百發百中。

在夜總會工作的女性，很多人都會認為她們十分現實，只懂得賣弄樣貌及溫柔，在她們的心目中，毫無感情可言，只有金錢才能得到她們的歡心，所以才出現「歡場無真愛」這句說話。她們的內心世界，其實非常脆弱，可能是因為每天工作都是為了討好男性的歡心，經常受到不同程度的侮辱，所以別人的關心，是她們一直所追求的。

男士們若然想打動她們的芳心，辦法十分簡單，只需要真心真意就能夠成功，例如每晚在她返工的夜店門口等待，更要每次手持玫瑰花一枝，送給心儀的小姐。這招可能比較老土，其實她們極渴求這種浪漫情景，因為她們每天所見的男性，都以物質掛帥，所以愈舊愈老土的追求方法，更能令她們心動。

在化妝品店舖工作的女士，可能因為工作關係，需要把自己的容貌打扮得極之美麗，但她們一向是以服務女性為主，所以追求者可謂毫無辦法，難以跟她們接觸。

大家若希望追求，應在店舖較少客人光顧的時候出擊，以免打擾她們工作。男士們可以購買一些女性用品，尤其是落妝後的護膚產品，從而引起她們的注意。若她們詢問購買的用途，可以在對答中提及是送給暗戀對象的，因為她經常要化妝見人，需要更加保養皮膚。化妝小姐聽到這番說話，必定感到這位男士十分細心。到了最後，這些落妝用品自然是送給這位化妝小姐，之後再邀約出街可謂絕無問題。

喜歡去酒吧飲酒的朋友，相信都見過不少啤酒女郎，她們通常都有幾分姿色，令不少男士有意結識。這班女郎由於工作關係，更會跟男士們傾談一番，很有機會受到性騷擾，因此這份職業並不好受。

如果各位單身男士想認識她們，就要欠說明得尊重她們，更要出手相助，例如眼見她們被調戲，一定要尋找方法幫她們脫險。如果能夠助她們逃脫色狼的魔掌，她必定會十分感激。藉著大好機會，兩人可以交換聯絡電話，再展開追求就不是一件難事。

2000年10月2日

西班牙伊比薩島歐美Raver狂野派對勝地

新聞來源：蘋果日報

「狂野派對」係香港大行其道，不少年輕人趨之若鶩，一星期去足四、五晚，玩到大天光至肯返屋企。好多人都知道狂野派對源於英國，但講到狂野派對既勝地，則非西班牙既「伊比薩島」（Ibiza）莫屬，個度每年都有定期既大型狂野派對舉行，規模係全世界首屈一指。

伊比薩島位於西班牙對開，地中海既巴利阿里群島上，充滿了南歐地中海色彩。係度既有火辣辣既夜生活，更有海天一色、靚女無數既巨型海灘，係好多歐美人士既前衛度假天堂，每年吸引無數旅客，未去過伊比薩玩Rave Party，真係唔算係新潮人！

先講夜生活，個度真係多姿多釆，周圍都係的士高同酒吧，多數二十四小時開放，主要集中係碼頭區。酒吧食肆最旺場既時間係從晚上九時開始，性感靚女多籮籮，衣著大膽，多為西歐及美國旅客。佢地到左伊比薩，就完全拋開平日生活既包袱，有幾大膽就著得幾大膽，兼且任睇唔嬲。

食完飯、飲完酒，當然係到伊比薩最出名既的士高，參加狂野派對。個度有九大的士高，每間各具特色，歐洲最出名既DJ都會到場打碟，務求令Rave友到達真正既狂野境界。個度既狂野派對，玩法跟香港既狂野派完全唔同，係真正玩Rave玩跳舞，甚少涉及濫用藥物。但Party內既靚女大多比較開放，只要自己有兩度散手，話咁易就馬到功成。

伊比薩既沙灘足足有四公里長，水清沙幼，係個未受污染既人間天堂。夜生活玩完之後，日間還可以係呢個春色無邊既海灘欣賞歐美靚女，個個靚女都解除束縛，任君欣賞。伊比薩沙灘還有三間專做日間生意既酒吧，游游水、睇睇靚女，再飲兩啖啤酒，係歐美人士最流行既享受。日夜都係個娛樂勝地既伊比薩，係歐美青年心目中是個最前衛既消閒地方，未去過伊比薩係朋友間實係難以抬頭。

2000年10月2日

新風俗玩意男人租房等女人揀

新聞來源：蘋果日報

日本既「娛樂事業」非常發達，有時真係唔到你唔服，為左搵錢，經常都推陳出新，諗一D嶄新既「風俗」玩意出黎。好似東京既淺草最近就出左間叫「逆媾女房間」既風俗店，同一般既風俗店好唔同，得意好多。

首先解釋下乜野叫「逆媾女」，傳統媾女即係男識女，而「逆」既意思就係「掉番轉頭」。呢間風俗店行會員制，男女都要入會，但完全男女不平等，呢度女人大晒。首先，單身男人入會要俾10,000日圓（約730港元），但情侶上去，只要俾5,000日圓就OK；而且單身男人入店，要再俾4,000日圓一粒鐘既房錢，情侶就1,000日圓，單身女性就全免。

每位新加入既會員，都要填一份詳細既資料，除左出身、年齡、身高、體重呢D基本資料外，重要填埋性取向、持久力、外形特徵、擅長花式、有過乜野特別既性經驗等等。呢D資料就係方便D「女」揀「男」。呢間「逆媾女房間」既設計，估計係改建自一間「執笠」既卡拉OK場，所以間好晒房。填好資料之後，就可囉鎖匙入房。

據講呢間風俗店並無風俗娘駐場，而係有間候客室，俾D Walk in入黎「媾仔」既素人娘「等運到」，因為佢地唔收女人錢，所以會有D女人黎睇下有無野「食」。

而單身男士上去，基本上無得揀，但唔岩可以拒絕，女方都唔會「強迫」；但遇上岩自己眼緣既，又要睇下女方對你有無興趣，先可以成事。有D人上去俾左錢，可能淨食白果；好彩既話，又可以連執三兩劑。而情侶上去，可以當係租房，男方接受到既話，可以放手俾女友去「媾仔」，自己係房等運到，當係大家換下Partner。咁玩法都俾佢地諗到！

2000年10月1日

體味功能性的啟示

新聞來源：太陽報

如果稍加留意的話，大家都會發現，無論男性或女性，身體都會發出一種特殊的氣味，這種氣味的作用其實非常大。在性行為中，嗅覺刺激可以挑起對方的情慾，更擔當一個非常重要的角色。

根據美國穆乃爾化學研究中心及賓夕法尼亞醫學院的調查，極大部分人都以為體味等於汗味，尤其是男性，竟然認為身體的汗味，便是男人味，能夠吸引女性。這個想法其實大錯特錯。在醫學調查報告中，大部分女士認為，當男友滿身大汗的時候，會令她們的情慾減低，在性行為時亦無法產生高潮。

其實汗味有異於體味，汗味主要散發自腋下和下體，是不潔或疾病所致。一般汗味會在洗澡後消失，體味則不會消失，這種體味是身體的原有氣味，可誘發異性的情慾。散發自身體的自然氣味，據說有數十種，濃淡程度因人而異，究竟這種個人散發出來的體味，屬於體香或是體臭，迄今仍未有一定標準，端視伴侶接受程度有多少。

在性行為中，體味具有極大功用。當女方產生性興奮時，下體便會分泌一種強烈的氣味，這種氣味可以挑起男方的性慾；同樣地，男性在興奮時，下體亦會分泌一種氣味。兩種氣味都具有同樣的功能，有如動物散發的麝香。在性行為中，嗅覺的刺激，很多時比聽覺及視覺還要敏感。香水的作用，其實亦是為了增強嗅覺的刺激，可說是一種人造體香，特別是女性，很多時都會塗上香水，男性亦會塗上古龍水或香水。

香水的味道有很多種，假如不知道愛侶喜歡哪種香味，可以在購買前，帶同愛侶一起購買。香水產生的嗅覺刺激，可令雙方的性生活增加歡愉。還要注意的是，香水可以塗在頸項、耳背、手腕、胸部及大腿內側，但不能塗在腋下，因為腋下是分液汗水的主要部位，汗水和香水混合，便會產生一種難聞的臭味，這點必須謹記。

體味是一種嗅覺刺激，能夠增加個人的性魅力，使用香水，亦能夠帶來同樣效果。最重要是分清體味與汗味的異處，不要以為汗味等同體味，所以在上床做愛前，必須先洗澡，清除身體的汗臭，才能令性生活更愉快。

2000年10月1日

一把秀髮刺激快感美國迷戀毛髮熱潮

新聞來源：蘋果日報

美國既性玩意古靈精怪，想得出都有得玩。美國既成人事業之所以咁發達，除左同民風有關之外，也和成人事業既主理人腦筋靈活，能捕捉大眾既需要，只要那一種玩意流行，便會五步一樓，十步一閣，新近好多大城市就流行「玩頭髮」。

「玩頭髮」既意思，顧名思義係所有性玩意都同頭髮有關，男男女女都有分，有D似戀物癖，但並非一樣。而且普及性深入所有媒介，D伴遊、架步、俱樂部當然有呢種服務，電視、雜誌亦有介紹，經常囉D頭髮黎搞。

頭髮玩意，大家可能只會想到和不同髮型及髮色既男女發生性關係，但其實又點會咁簡單呢？玩法有好幾種，例如「型男美女類」，玩既人都係年輕男女，好似有D俱樂部就提供一D靚女俾客人任舞（反之，亦有提供靚男既俱樂部），當然重有齊各種美髮工具，任由客人替個靚女整個新髮型，「捽、磨、搓」D頭髮都可以。總之係利用頭髮，令客人產生快感，而快感一到，就可以打埋「下半場」。

不過都好有趣，有D俱樂部除左提供長髮靚女，重有「另類」髮型靚女供應，就係光頭妹，佢地都好受歡迎，真係有D奇怪。當然，想玩得激D都有，例如「器物類」就十分之激，利用剃刀、金屬等物件，為對手或自己製造髮型，然後先至埋牙打真軍。有呢D利器係頭髮上，「打」起上黎當然非常危險，大家真係唔好亂試。

另外，美國同志一向以髮型突出稱著，要玩頭髮又點可以少得佢地份。有D俱樂部就以服務「同志」為主，提供男女Model俾D「同志」整番個同性戀髮型。

除左利用髮型黎打真軍，其實有D人只係欣賞呢D髮型，佢地著重美感，多過真係想打真軍。所以亦有一D酒吧及夜總會舉行呢類美髮大會，男女客人假扮不同造型，例如西部牛仔、鐵騎士、救生員、自由女神、辣妹等。頭髮玩意之所以突然係美國流行，有人認為係七十年代迷戀毛髮熱潮既一個延續，加上收費不高，所以有興趣既人愈來愈多。

2000年10月1日

風俗娘愈玩愈激店內偷步打真軍

新聞來源：蘋果日報

日本既主流風俗店，係「性感Health」同「扮野俱樂部」，主要提供出火服務，入面做既風俗娘，離唔開用手、口、素股等絕技。呢D場係嚴禁「本番」（打真軍）既，但愈黎愈多風俗娘偷雞，開始成為風氣。

點解依家D風俗娘愈黎愈夠膽，唔怕俾人炒魷，敢違抗店方規矩，主動出擊呢？而且日本又唔係無「本番」場，佢地要搵多D錢，大可以去做「應召」或者「泡姬」，卻偏偏走去「出火場」玩偷偷摸摸呢？原來主要有兩大原因。

其一係搵到錢，因為風俗店打開門口做生意，當然要賺錢，佢地通常同風俗娘五五分帳。風俗娘雖然可以去Soapland（浴室）呢D高價場所做，但個D地方收得貴，拆帳多，生意相對就無「出火場」咁好，一日可能只係發市一兩單。係生意額方面，出火場收費平，流轉快，只要密密做，加上「打真軍」既錢完全淨袋，一個月既收入都幾「和味」。而D客人好多時都係貪「出火場」收費平過「真軍場」，又有偷食Feel，促成偷雞風氣。

另外，出火風俗娘肯打真軍，係因為主導權係佢地手上。做「真軍場」，只要有客，就一定要來者不拒，阿豬、阿狗黎到都要服侍。而做「泡姬」，因為要定時驗身，保證無病至可以做生意，所以Soapland既服務一定係不設防既。有D風俗娘唔想俾人「係又搞，唔係又搞」，寧願係出火場偷偷摸摸。

但佢地始終係人，做呢D身體接觸既工作，有時都會有衝動；做出火場，通常唔係風俗娘有「表示」，D客都唔敢亂黎，當大家過電，風俗娘又有Feel，佢地自自然然有表示。加上係出火場搞，客人無藉口唔戴套，安全程度比「真軍場」高，所以亦係促成愈黎愈多人係出火場「搞」既原因。

版權屬於原作者所有，如有侵害到他人的著作權會立刻拿除。