焦點話題 20001106

焦點話題

2000年11月06日 - 11月12日

2000年11月12日

華富村漁灣村色魔橫行無忌

新聞來源：蘋果日報

落成至今有 20 、 30 年樓齡的香港仔華富村及柴灣漁灣村等老牌屋村，近年成為色魔肆虐地區，色魔已達飢不擇食的地步，不管 10 來歲穿校服的女學生，還是 30 餘歲的屋村師奶都身受其害，不少屋村女住客返家及出門，一步一驚心，警方及房屋署似乎束手無策，色魔至今仍未落網。

警方消息指出，活躍香港仔華富村的一名「四眼色魔」，有暴力傾向，蓄短髮，三角面形，出沒的時間，多在晚上 8 時至 9 時，非常熟悉區內環境。本年 5 月、 7 月及 10 月，華富村分別有 3 名女子受害，她們年齡為 16 歲、 29 歲及 32 歲。 3 名受害女子被色魔侵犯，均有共同特點，就是單獨走往樓梯級，致色魔有機可乘。

色魔有如異形般，突然從受害人背後出現，一手掩住「獵物」的口，以防她高聲呼叫，另一隻手大肆手足之慾，受害女子極力掙扎，色魔始鬆手，拔足奔逃，離開現場。

3 宗案件的事發地點，分別是華美樓梯間、華信樓梯間及華泰樓梯間。其實華富村是一個有 32 年歷史的老牌屋村，依山而建，多樓梯，分一村及二村，共 18 幢大廈，戶數高達 9400 戶。

住客透露，屋村設計有利色魔犯案，大廈電梯是雙單數分層停留，有些貪快捷女住客，會搭電梯往上一層，然後沿樓梯落樓歸家，遇上色魔的機會大大增加。華富村房屋事務經理石少峰稱，該屋村採 B 級保安，設有保安員及閉路電視，晚上更會派出 10 名保安員巡邏，並改善村內照明設備。

據知，華富村已有計劃清拆，故房署已不考慮在大廈加設大閘方案。香港仔警區助理指揮官梁永基指出，警方就治安問題常與房署溝通，並承認由於該屋村範圍廣大，警員巡邏時難以兼顧每一角落，會加派人手改善。另外，港島另一老牌屋村柴灣漁灣村色魔橫行，與華富村不遑多讓，數月來色魔已 4 次犯案，且均在白晝進行，令女住客防不勝防。

漁灣村村齡 22 年，住戶有 2000 戶，設計上有不足之處， 4 幢大廈漁順樓、漁泰樓、漁豐樓及漁安樓部分層數且相通，共 10 多個出入口，而只有漁順樓設有電梯，其他樓宇住戶要通過長長走廊，甚至樓梯才能歸家。

漁灣村與華富村的電梯同樣是雙單層數停留，心急的女住客貪快在住所上一層出電梯後，沿樓梯走往下一層，容易被色魔施襲。本年 9 月、 10 月及 11 月，漁灣村共發生 4 宗非禮案，受害人年齡由 10 多歲至 30 多歲，其中一名 18 歲中五女生更在早上 8 時許，遇上色魔，遭色魔非禮侵犯，反抗時更遭推落樓梯跌傷。

南區區議會副主席黃敬祥稱，香港仔華富村的設計有基本缺點，既然加裝大閘未有著落，房署理應盡力改善，例如在燈光通明地點設立站崗式辦事處，由保安員當值站崗，讓夜歸婦女可以在此等候，並設電話方便夜歸婦女與家人聯絡。

黃敬祥建議房署分配更多資源去聘請高質素的保安員，巡邏人手充足，自可發揮防範色魔效果，此外，若村內有組織自願組成巡邏隊，護送婦女返家，未嘗不是一個好方法。

東區區議會副主席鍾樹根指出，柴灣漁灣村發生多宗非禮案，最實際的是將保安措施升級，房署答允明年在漁灣村各出入口加裝大閘，防止陌生人上樓犯案，當然住戶亦須發揮守望相助精神，警方則要多派便衣警員高空巡邏，互相配合才是善策。

色魔年約 30 歲，除從暗處撲出外，亦會尾隨穿校服女生歸家。漁安樓一名女生表示，大半月前，她試過在下午放學回家，遭身高 5 呎 10 吋的色魔一路跟她，且亦步亦趨，在家門前意圖侵犯她，幸她大叫，驚動單位內的兄弟出門幫手，方把色魔嚇退，當日並沒有報案。住在漁泰樓另一女住客，亦指曾被色魔非禮，事後並沒報案。

漁灣村事務經理溫尚煦表示，屋村屬 B 級保安，保安員在早上 8 時及晚上 8 時交更，色魔利用交更時段犯案，估計色魔是 10 分熟悉現場環境，房署已多聘保安員巡邏，並計劃明年在各大廈出入口加裝大閘及密碼鎖，將保安措施升級。

東區區議會主席丁毓珠說警方及房署均十分關注村內治安問題，並呼籲曾被侵犯未報案者最好盡快報案，協助警方調查，將色魔緝捕歸案。

2000年11月12日

法國女性內褲調查無底一族身心俱不設防

新聞來源：蘋果日報

電視都有教我地，要好好「保護自己」；特別係女仔，重要加多層防線保護，呢條「防線」就係 -- 底褲。但隨住依家社會愈黎愈自由、開放，有 D 人鍾意不設防，所以唔少人偶然都會選擇下「無底」，法國最近就有個女性無底既調查。

呢個調查係來自一個服飾工學研究所，據佢地既調查所得，係冬季，全法國大約有 20 萬女性，會無底「真空包裝」上陣；但真正高峰期係係夏季，通常 7 至 10 月之間，就有 4 倍既女性，即係 80 萬人無底。

佢地大部分以牛仔褲黎做掩護，原來係夏天，表面上著裙而內裡無底既女性大約 35 人之中就有一個，但實際連埋著牛仔褲既女性在內， 15 人入面就有 1 個唔著底褲。佢地唔著內褲，主要有幾個原因：佢地話著內褲會焗親流汗，「大髀罅」會出紅疹，久而久之出現黑色印，或大髀罅較為深色，覺得非常唔雅觀。

另外就係因為著左內褲，好多時活動既時候，會「楔」入下體，引致「阻塞通道」，令好多細菌係「門口」滋生，感覺非常不潔。重有 D 認為分泌物同汗水混係內褲，焗到「一陣味」，有時同男友突然間「玩即興」，呢陣味幾大殺風景，所以，佢地寧願揀唔著。

可能「無底」係一種開放既表現，呢個調查就發現，原來「無底」女性既性態度都係較開放。好多唔鍾意著底褲既法國妹，特別係獨身，佢地既性伴侶比著底褲既女性多出三倍；而且佢地既「即興率」亦同樣高出三倍咁多。即係有跡象顯示，無底一族係性方面既需求較大。似乎，內褲真係有「保護自己」既作用。

2000年11月11日

馬檻怪名有牌你睇

新聞來源：東方日報

香港有東方之珠之稱，相信五光十色既霓虹光管招牌應記一功，其實呢 D 招牌除左夠光之外，仲有好多有趣既地方，尤其係 D 黃色招牌，當中既啜核同搞笑程度，真係唔到你唔服。家陣香港又冇紅燈區，為爭生意，呢 D 招牌拆完又掛，掛完又拆，可謂香港一大特色。

雖然話而家已經踏入 21 世紀，乜野都講求現代化，但係有 D 場既名稱仲保持住濃厚既古典味，好似「春宮城」同「開心皇宮」呢兩個名，就十足十古時 D 皇帝既淫蕩行宮一樣，裡面雖然冇後宮佳麗三千，又冇酒池肉林，但係齋睇名就已經知道會吸引到唔少想做大爺既客光顧。

另外一個「怡春苑」，聽落真係好文雅，但一夾雜左個「春」字，就成個生晒，含羞得黎夠淫。有間中唱兩咀粵曲既朋友，一定對《遊龍戲鳳》呢套粵劇既情節有好深既認識，皇帝係客棧調戲鳳姐一幕，絕對係經典，如果你想感受一下，「龍鳳店」呢個名，應該可以令你有所遐想。

相信細心既朋友都會知道，旺角一帶最多以「金」字為首既招牌，真係一條街三兩個閒閒地，但係心水清既人，就會留意到近年一系列以「新」字行頭既招牌亦成行成市，據消息指，呢一批「新」招牌，並唔係同一個集團，只不過係頂手人加個新字係前面，既可保持舊有客路，又有耳目一新既感覺。

有 D 新字頭既招牌內容幾搞笑，好似「新花園」咁，好容易令人聯想到後花園，上面係咪有「新」到既後「花園」呢？另外「新幹線」同「新潮」呢兩個名真係 In 到暈，新潮唔使講都知佢走係時代尖端，而新幹線就直頭食住早年香港多條新幹線道路而命名。小記個人就最鍾意「新歡」呢個名勒！點解？男人去得呢度都係想尋開心者！舊歡就如夢，新歡就如寶嘛！

記得以前 D 招牌最鍾意標榜自己有乜野少婦、正宗乜野與白淨乜乜，但以小記觀察，而家 D 場最鍾意俾人有年輕既感覺，所以 D 少婦都已經收晒皮，變晒做少女，唔知同以前好興既電波少年有冇關呢！

仲有，仲有，小記見到個「美波少女」，哈！正呀！夠直截了當嘛！另外有 D 少女就非常騎呢，「夢幻少女」？大佬！夢幻組合就聽過者！夢幻少女係咪好似 D 黑鬼籃球員咁高架？我舞唔掂喎！「名流美少女」又算點呀！出得黎做就冇名流可言啦！幾舊水搵件名流？有冇咁筍先？

相信好多人都好似小記咁，有時行街行到悶悶地，就走入便利店買排「香口膠」咬下，不過而家要小心 D 勒！去 OK 同 Seven 真係要睇清楚，如果唔係，入錯地方仲開口問人有冇「香口膠」賣就大鑊，可能個 Keeper 會笑笑口咁同你講：「老細，我地呢度乜『膠』都有得賣，北姑定陀地？」

卡拉 OK 家下成行成市，你有冇試過半夜三更同女朋友講去「活力」呀？你女朋友可能以為你去左卡拉 OK ，但其實你條友就走左去另一間「活力」，女朋友就算揭穿你，你都可以大大聲同佢講：「我一早同你講左去『活力』架啦！我都冇講大話！」如果「活力」被佢揭穿，就試下話去「大 × 樂」啦！反正大家都係食快餐者！

2000年11月11日

寫出不平凡性經驗 AV女優風俗娘成為文化人

新聞來源：蘋果日報

一般女性從事有關「性」既行業，好多時會畀人「經營醜業」既不雅感覺，所以除非係拍寫真同三級片要面對群眾外，都會將自己收收埋埋。但日本依家以「性」黎面對群眾既女性愈黎愈多，呢類女人被稱為「 H 系女性」，更打入文化界。

「 H 」係日本可以解變態、鹹濕既意思，因為來自日本「 Hen Tai 」（變態）呢個字眼，因為傳統上與「性」有關就係變態。但由 86 年開始，日本社會已經醞釀改變，黎一場性革命，「 H 系女性」慢慢抬頭。

86 年， AV 女優黑木香，拍左部叫《我喜愛 SM 》既 AV ，賣左超過 3 萬套，個時算是十分驚人，令好多人對 SM 等性字眼都無咁忌諱。而「 H 系女性」呢個字眼開始出現，當時只係指個 D 對性好主動、好有需求既女人。黑木香後來上位做左明星，更成為公開談性既代言人。

87 年， AV 女優牙島奈緒出道，引退之後成為作家，兼從事音樂工作，社會開始注意呢類「性文化人」。到 91 年，原本做風俗娘既白石瞳，拍 AV 出左位，引退後玩 Noise Music ，依家做埋 Web Designer 。 D 人發覺「 H 系女性」並唔講得笑！

95 年，風俗娘 Chako 開始畫漫畫，係雜誌連載，依家佢坐擁 10 個漫畫專欄。同年風俗娘酒井步拍 AV 後，成立 AV 製作公司自己做埋監製。同年 AV 女優吹風安奈亦做導演，拍左一部《由我來拍 Video 》，後來又變身成為作家。

97 年起，陸陸續續有 AV 女優、風俗娘，將佢地係業界既「不平凡」經歷出書公開發表；而最近就有 AV 女王小室友里。佢地都係「 H 系女性」性革命既一大動力。

2000年11月10日

澳洲賣淫團來港搵新血

新聞來源：東方日報

本港經濟不景下頻吹淫風，最近多個海外「賣淫團」來港吸納新血，聲稱可以月入 10 萬元，廣告一出，不少經濟拮据的女郎亦蠢蠢欲動，離鄉背井做起原始的醜業來。記者直擊「賣淫團」來港揀蟀過程，發現竟有不少 OL （白領麗人）自動請纓，秘密報名參加這個前往澳洲的「雪梨賣淫團」搵真銀。

招聘本港女仔作跨國賣淫的廣告近年不斷在報章上刊登，繼有日本賣淫團後，近日本港又有一個以招聘澳洲伴唱為名，實質上是往澳洲的賣淫團。

記者接觸該名自稱 Ivy 的負責人，她表示招聘伴唱只是綽頭，工作性質其實是替人按摩及提供性服務，對象全是鬼佬客，由於澳洲公司希望在港「揀蟀」以豐富其「貨源」，因此在港登報招聘，沒料到反應出奇地理想，不少 OL 、時裝售貨員甚至「一樓一鳳」的小姐都應徵，令她近日忙於面試。

Ivy 稱跟「賣淫團」往澳洲可以月賺 10 萬港元，由於反應好，她已是第 3 次在港招攬。「之前 2 次我帶過 10 幾個女仔去雪梨，大部分係香港女仔，只有一個係北妹， D 鬼佬鍾意高高瘦瘦既女仔，個個都賺到笑。」 Ivy 更稱不少女仔在熟悉澳洲環境後，返港後會再自行前往雪梨「淘金」。

「唉！你都知喇，而家香港經濟唔好，今日都有好多女仔打電話黎問，話係香港肯做都搵唔到錢，我今朝見左兩個做文員既女仔，佢地好想搵快錢，你如果岩既就約個時間見面，大家傾下。」 Ivy 坦言她受澳洲公司委託來香港「揀蟀」，並自爆自己在雪梨亦是做「小姐」。

Ivy 指「賣淫團」在雪梨會入住公司宿舍，每日「工作」亦在宿舍內。「除左香港女仔，仲有鬼妹、新加坡、泰國、大陸、馬來西亞既女仔，個個都好靚，競爭好大，但中國女仔身材纖瘦，好受 D 客歡迎。」

雖然 Ivy 頻說澳洲賣淫「好搵」，但追問之下，原來每次接客只有港幣 200 元「落袋」，以每日「接客」十個計，可賺得約 2000 港元，相對在港「一樓一鳳」每次收費 200 至 300 港元，並不見得特別吸引，但 Ivy 卻游說：「如果你密密做，都可以賺到錢既！」

除了賺錢不多外，當地之公司又以替「小姐」安排為由，因此公司要收取每人 4000 澳幣（約 16,000 多元）作為佣金，該筆款項可在開工後才「扣數」，至於食住的費用每人約是每周 60 至 70 港元。

Ivy 又稱由於反應踴躍，她將於本月中起程。她稱雪梨公司會有專人接機，並安排即時開工，記者佯裝不懂英語，不知怎樣招呼客人， Ivy 則打趣說：「你識英文咪同個鬼佬傾下偈，唔識咪用手語搭夠囉，其實都係扑野（做愛）者。」不過，她叮囑不可以在月經來潮時開工，此外由於鬼佬注重衛生，一般都戴安全套。「鬼佬客人其實好 Nice ，保證你接過呢類客後，唔鍾意再接中國人客。」 Ivy 落足嘴頭說。

對於有本港女性到澳洲從事非法賣淫活動，澳洲領事館駐港發言人表示對事件十分關注，他稱從未有本港女性因非法賣淫而被澳洲當局拘捕的個案。雖然澳洲多個州如新南威爾斯，實行娼妓合法化，所有妓女均需申請牌照及登記，並於「妓寨」內進行性交易則屬合法，但嚴禁妓女在街上「兜客」，以免騷擾居民。如娼妓觸犯有關條例或非法賣淫，會依照該州的法例作出檢控。

現時持有 BNO 、 CI 及特區護照的本港居民前往澳洲均需領取澳洲簽證，但程序並不複雜。 BNO 及特區護照持有人可到旅行社代辦簽證，而持有 CI 人士則需親自到澳洲駐港領事館申請。簽證一般為期一年，每次可逗留 3 個月，一年內可多次出入境。由於簽證方便且有效期長，故有不法之徒藉旅遊、探親之名，到澳洲非法賣淫。

除澳洲賣淫團外，亦有一批港產 OL 到日本「賣肉搵銀」。數個活躍東南亞的跨國賣淫集團，協助日本賣淫組織在港吸納新血，近年在港展開一輪招募行動。月前本港報章出現一些以「應急快錢」、「搵錢過年」等招聘廣告，內容標榜可以在 3 個月內賺超過 30 萬港元，包機票、食宿以及簽證文件，於是便吸引大批年輕 OL 應徵。

而招聘這些港產 OL 的跨國賣淫集團分別來自東京、大阪以及橫濱等地，而前往日本賣淫的香港 OL 則分布在東京市的新宿、赤反、池袋、六本木等地區。在東京及大阪市，估計有數百名港女從事賣淫活動，而全日本的數目則無法估計。根據香港法例，任何人促使他人在港或外地成為娼妓，即屬犯法，一經定罪，可判處監禁 10 年。

2000年11月10日

網上一條龍服務遊澳門名性古跡

新聞來源：東方日報

澳門街夜生活五光十色，多采多姿，但咁多夜生活場所，真係唔知點去選擇。一眾資深玩家，當然唔使介紹都知邊度有好路數，但若然閣下係初哥的話，第一次學人過澳門街見識，除左聽下 D 「色」途老馬介紹之外，都不知從何入手？

其實今時今日，互聯網世界無遠弗屆，想去邊度玩再毋須道聽途說，只要一上網，不出家門亦能知天下事。最近就有一個以「澳門街」為名既網站成立，網站有齊全澳門夜生活場所既詳盡資料，若然仲覺得唔放心，網站方面更可以為閣下設計夜生活行程，真係包冇「撞板」。如今做「玩家」認真多選擇！網址︰ http://www.macaustreet.com

香港既夜生活場所同澳門相比，輸足一條街。由於港澳兩地法例不同，香港夜生活場所，正所謂高調個間就死個間。係香港，只要你間場稍為玩得過火 D ，就立即引來警方掃蕩；但係澳門就唔同，法例對於夜生活場所真係寬容好多，造成每間場為求競爭，紛紛用最高調形式推廣，以求吸引人客捧場，幾年前開始，澳門街某 D 夜總會，連全裸小姐坐檯都玩埋，真係要幾激都有。

近年既香港夜生活場所，普遍生意都差左好多，主要原因係俾澳門搶晒 D 客，曾經有澳門街夜生活中人講過：「澳門夜生活當中，有九成以上係香港人客捧場。」

既然香港客對澳門夜生活場所咁重要，吸引佢地黎玩自不然係首要目標，夜場之間各自為政，由於大家有利益衝突，要佢地團結一齊搞推廣好難，終於有人諗到搞一個以香港人為消費目標既網站，詳盡介紹澳門夜生活場所資訊，澳門各大夜場一定樂於登廣告，事關香港人客絕對係澳門夜生活既命脈。呢個網站既負責人，本身亦係澳門夜場酒吧老闆，搞呢個網站，因為佢覺得有實際需要。

「我自己有好多香港朋友成日黎澳門玩，次次都落黎我間酒吧捧場，佢地除左黎探下我之外，最主要都係希望搵我囉料，例如澳門夜總會邊間平， D 桑拿浴室又有冇好野，再唔係就問下 D 酒吧 Disco 既新料，次次都問到我口啞啞，我雖然係澳門人，你估真係百曉生咩？但原來香港人係咁想知道澳門夜生活資訊，所以我搵埋幾個朋友商量，搞左個夜生活網站出黎。」網站負責人偉哥，詳盡解釋佢搞呢個網站既原因。

據偉哥透露，網站運作左幾個月，瀏覽人數不斷增加，為左想將個網站搞得更好，除左夜生活資訊之外，仲加入好多澳門街既吃喝玩樂資料，務求令 D 網友更了解澳門，黎玩都可以玩得盡興 D 。

「由於我地既資料庫愈黎愈大，所以我想推出『一條龍』服務，若果 D 網友有需要的話， E-mail 俾我地，我地可以為佢地編排好全個澳門遊既行程，由落船個刻開始，邊度食飯泵骨跳舞落夜總會玩，一律同佢安排好晒。

香港人黎澳門玩始終係人地生疏，我相信呢個『一條龍』服務，幾岩佢地，起碼跟住我地編排既行程表去玩，一定唔會撞板俾人當水魚呃，唔通我地會介紹 D 黑店咩？自己係澳門人，邊間舖頭、邊間場係老實經營，我地一定知。」

近年網站一窩蜂成立，又好似骨牌咁執笠，搞網站真係同燒銀紙一樣。網站收入最大來源係黎自廣告，唔知呢個以香港人為目標既網站，廣告收入又如何呢？

「其實網站想 Call 廣告真係幾艱難，最初我地去聯絡客戶，多數都俾人拒絕，所以起初 D 資料我地只能夠免費幫人做，但可能個網真係多左人睇，有唔少人睇完網就走去 D 夜場捧場，開始有 D 夜場肯同我地落廣告，起碼可以多一個渠道去宣傳嘛，我希望個網可以再做得詳盡 D ，總言之吸引多 D 人睇，尤其是香港人，就唔使驚冇廣告收入。成個澳門，係賭場又好，聲色犬馬又好，真係靠晒香港人幫襯架！」

小記睇過呢個網站，有關夜生活場所既資料尚算應有盡有，除左一眾香港玩家最注意既夜總會、桑拿浴室資料外，連 D 後生仔女熱捧既酒吧 Disco 蒲點亦有介紹，近年有唔少 Rave Party 係澳門街舉行，呢個網站亦有報道，若然閣下對澳門街夜生活唔熟悉的話，去玩之前睇睇呢個網站，應該可以搵到支盲公竹既！

2000年11月10日

時代廣場男廁偷窺狂逐個捉

新聞來源：太陽報

銅鑼灣時代廣場近期發現數名「廁所怪客」，專門在男廁門外恭候「獵物」出沒，伺機尾隨窺看其大解情況。這群變態狂徒早已惡名昭彰，但礙於受害人不肯挺身作證，讓怪客得以繼續逍遙法外，令如廁人士人人自危，擔心會成為下一位「被昅」的目標。

在時代廣場五樓某舖任售貨員的Tom（化名），每逢人有三急，總會棄用舖旁的公眾男廁，寧願跑到老遠的四樓職員廁所「方便」，Tom之所以「捨近取遠」，非為「吞泡」，背後其實另有文章。

「我係半年前就已經知道，呢度三、五、七樓幾間公眾男廁，都有變態偷窺狂出沒，專昅男人大便，搞到我都唔敢用係舖頭隔籬既公共廁所！」聞狼色變的Tom說。

Tom的同事阿Amy（化名），提起偷窺狂徒也忍不住破口大罵：「佢地真係好離譜假，以前試過有位舊同事係廁格食煙，就俾其中一個變態佬偷睇過，不過俾位舊同事鬧佢幾句後就放左佢走，並無追究到底。」

以Tom及阿Amy觀察所得，商場內約有五名「廁所怪客」經常出沒，其所作所為在時代廣場內幾乎無人不曉。由於工作地點緊貼公廁出口，兩人對五位怪客的外貌、舉止和偷窺習性都有相當的認識。

「佢地一黎親就不停咁去十幾二十次廁所，出出入入，點會唔熟口熟面，其中有兩個仲俾差人拉過添，梗會認得啦。」Tom與阿Amy形容「廁所怪客」各具特色，五人恰巧會在不同時段出動，猶如「輪更」一樣，各自分途出擊。

在兩人的印象當中，滿面痘皮、經常揹著一個側袋的「地中海中坑」，每隔兩、三日便會於早上出動一次；年約 30 歲，喜穿T恤西褲、揹大背囊的男子，則會於每日下午依時依候發動偷窺「攻勢」。直至晚上的放工時間，便輪到昂藏六呎的靚仔小生繼續「接更」。「佢好靚仔假，斯斯文文拿住個公事包，一D都唔似會做D咁樣既野。」阿Amy語帶惋惜的說。

每逢周末，行為閃縮低調、剪了一頭「箭豬裝」的年輕男子亦會加入行列。此外，尚有一位經常戴上茶色眼鏡、行為舉止帶點娘娘腔的「西裝友」，也慣常選擇在晚間出動，不時跟靚仔小生同場「爭食」。就在記者採訪當晚，Tom與阿Amy便再度發現該名「有型西裝友」蹤跡，當記者上前欲跟他傾談之際，他卻迅速掩面即時乘電梯離開。「佢晚晚黎十幾次廁所，一定有古怪！」阿Amy斬釘截鐵的說。

這群「男廁怪客」雖然各自「覓食」，但作案手法卻殊途同歸。他們首先會在商場內的公廁門外徘徊，假裝等候女友如廁，一旦吼準有「獵物」出現，便會尾隨進入廁內，暗中進行「大檢閱」。偷窺狂徒通常會躲在「獵物」兩旁的廁格內，運用幾種最常用的偷窺手法，偷看男士大解過程。

據悉，他們當中有些喜歡站到坐廁之上，居高臨下偷窺鄰格男子「出恭」實況；另有人喜歡彎下身軀，由夾板與地面之間的隙縫偷窺；還有部分怪客甚至會出動小型鏡子，利用反射原理大飽眼福，總之無所不用其極。有如廁者不恥他們的變態行徑，竟用塗改液在廁門寫上「望咩呀×樣（粗口），屙你個×啦！」發洩不滿情緒，足證「廁所怪客」已達神憎鬼厭的地步。

時代廣場物業有限公司證實，最近曾接獲兩名顧客投訴，指稱在商場的廁格內遭人偷窺，該公司已即時轉交警方處理，但鑒於投訴人不願作證，故警方在欠缺證據下無法採取行動。物業公司已安排足夠人手於場內巡邏，配合電子巡邏系統，確保商場各處均受到監察。

臨床心理學家梁若芊表示，一般偷窺者都是出於好奇心理，透過偷窺別人的私處感到樂趣。他們在偷窺過程當中，能獲得刺激的感覺，從而滿足其性幻想。梁若芊續稱，偷窺者往往成功偷窺過一次以後，便會躍躍欲試再嘗箇中滋味，久而久之偷窺變成習慣，甚至到達難以自拔的地步，經常處心積慮再次犯案，直至被人揭發為止方會考慮罷手。

梁認為偷窺是異常的行為，屬個人病態。一般而言，偷窺者的性格都較為孤僻及害羞，故他們才會選擇用非法鬼祟的方法窺看別人，絕少相約集體行動。偷窺者染上偷窺習慣後，很難單憑心理輔導解決有關問題，梁認為必須讓他們知道偷窺所導致的嚴重後果和法律責任，及讓他們學習如何去尊重別人，懂得自我控制不作越軌行為，惡習才有望得以戒除。

2000年11月10日

愛得普通唔夠激拜物情意結追求更高快感

新聞來源：蘋果日報

愈黎愈多靚妹覺得「普通既愛，索然無味」，令佢地發展出好多佢地自我一套對性、對愛情既睇法。係咁既風氣底下，近年日本多左好多有「拜物主義」既女人。日本有本流行雜誌，覺得既然男人鍾意「昅女」，而且唔少人，對乳房大小，甚至身體任何部分，都會有自我一套既情意結。

依家日本社會既女性愈黎愈有主見，相信佢地都有自己既一套，所以就做左個由 18至30 歲女性為調查對象，總共 100人既「拜物情意結」調查，睇下佢地點去睇男人，而佢地既「拜物情意結」，又有幾深。原來，有 27% 既女性，認為男人既胸膛最惹佢地遐思；14% 認為係手臂；14% 係背脊；10% 係手；10% 係手指；6% 係臀部；19% 就各適其適。

有 55% 既人話，可以接受性愛既對手，身體部分無佢地喜歡既「性徵」；但有 45% 就認為，如果對手欠缺佢地認為性感既部分，會有D唔滿足，若有所失咁。

但如果有得選擇，有 71% 既人都認為，對象最好身體上面就有挑起佢地情慾既特徵，咁會令佢地既愛意都可以維繫得持久刋；只有 29% 既人認為，唔理佢好醜，只要係個好男人就OK。明顯地「拜物情意結」係靚妹既心目中，佔愛情或性既成分愈黎愈重。

最有趣係「拜物情意結」既種類比以前多左好多，雖然胸、手臂、背脊、手、手指、臀部屬最普遍，但愈黎愈多人有「特殊口味」。例如：有人覺得男人肉厚下垂既耳珠好吸引，見到就想「含」；有人鍾意腳毛，用塊面「哄」埋去，拮拮既好快感；又有人覺得男人曬完後甩皮好Sexy，幫佢地剝皮，更加會刺激佢地濡濕等，真係各適其適。　

2000年11月9日

鳳樓嫖客4大暴行

新聞來源：東方日報

近日，係鳳樓界出現一批怪嫖客，專門搞搞震，冇幫襯，其討厭程度，可謂前無古人，後無來者。呢班怪嫖客，因為外表普通，不能區別，所以令到鳳姐們個個聞風喪膽，人心惶惶。

「男極審裁署」透過一 D 受害鳳姐既透露同描述後，決定今日重組案情，揭開鳳樓嫖客四大暴行。忠告：由於以下暴行太過乞人憎，所以大家切勿模仿。

暴行 1 ：抽水唔幫襯
消費者付出合理既價錢，必然想得到應有既服務，尤其係嫖客，俾肉金，梗係想「過程」盡善盡美啦！

鳳姐接客，自己既外表，當然任客睇啦！而跟住既野，就要俾錢後先知勒！但在個 D 怪嫖客黎講，就冇呢個理論，可能佢地認為鳳姐打開門做生意，就係任人魚肉，有理冇理，抽水至上，俾錢人使，梗係左揀右揀，相頭岩唔岩係其次，最緊要身材掂，所以佢地用眼睇都唔止，仲落手落腳抽水，抽到夠先再決定幫唔幫襯。

大家唔好唔記得，佢地仲未俾錢架！所以若然唔岩，拍下籮柚就走人，你話呢 D 行為係咪唔要得呢？大佬，人地都係搵食者！唔幫襯，都唔好搞搞震丫！

暴行 2 ：當鳳樓係當舖
鳳姐向來都好均真，開價咁多，就收咁多，若然要收附加費，梗係會有額外服務既，如果唔係，點打開門接客呀！但又係咪個個客都咁老實呢？上得去幫襯，梗係要帶夠錢啦！冇錢咩？等鬆動先去囉！衰在有 D 就窮心未盡，色心又起，冇錢照幫襯，埋單時就是但囉件野出黎做抵押，真係擺明搵笨。聽有 D 鳳姐講，呢 D 客冇錢找數，求其囉個電話或者車牌出黎押住先，仲話下次幫襯再贖番，唔好話乜，個電話又舊款又平，仲分分鐘係執既添！賣都唔值錢，如果真係咁有誠意，抵押個身分證丫笨！

暴行 3 ：古怪要求多
係 D 鳳姐既電話錄音中，好多時已經交代清楚價錢同服務，如果要提供其他特別服務，都會額外加錢，所以個 D 想玩得另類既嫖客，聽完錄音，應該一清二楚；但可惜，有好多嫖客都鍾意側側膊，扮唔覺，又唔事先講明，臨埋牙個刻，就要求多多，又想你呢樣，又想你個樣，個鳳姐唔肯又死纏爛打。

有 D 客仲離譜，可能有少少變態心理， D 要求能人所不能，唔肯做就威迫利誘樣樣齊，唔達目的，死不罷休。好話唔好聽，要你做五六七味以外既野，都唔慌好野啦！閂埋房門就冇人知者！若果俾街外人知道，真係指住你恥笑十五分鐘，咁個陣真係要搵窿捐勒！

暴行４：測試藥力
做愛呢家野，快慢係天生既！有頑強戰鬥力當然倍感自豪，但如果係快槍手都冇問題架！呢 D 野梗有高低架啦！不過有 D 人就好鍾意自欺欺人喎！明明自己快，又死唔斷氣，仲要驚死幫襯時會蝕底，事先搽定藥油，食晒壯陽藥，等藥力發作，就仆到咁去，冇錯，人家拋個身出黎做係預左遇到「高手」，但你都唔好咁老套丫！想試隻藥有冇效就搵人黎「教飛」，仲扮晒勁咁博人讚你，乜你 D 滿足感要咁樣得黎架！佢都係人黎架！做男人都應該識憐香惜「肉」丫！試下易地而處，俾著你係佢，你制唔制丫！

以上暴行實在令人髮指，但除此之外，仲有好多古靈精怪兼衰格既客人架！而且行為仲好唔要得添！

好多時，鳳姐既財物會唔覺意俾 D 客睇到，如果咁岩遇著 D 貪心兼手多多既客人時，分分鐘俾人順手牽羊。賺錢變蝕水，真係唔抵，所以鳳姐真係要小心呀！

雖則話鳳姐屬於色情行業中較廉價既一種，但可能係某 D 客既心目中，仍屬高昂消費，但佢地又受唔住誘惑，又唔夠錢，咁可以點呀？咪講價囉！呢類講價行為都幾討厭，人家拋個身出黎做，仲要同人講價，莫財咪忍下囉，唔做唔使死丫嘛！

近排咪有人倡議騷擾屬刑事罪行既，如果真係通過的話，鳳姐就安樂晒咯！因為有 D 怪客會用電話騷擾佢地，呢班友可謂極之無聊，連個 D 90090 乜乜乜既電話都費時打，就當鳳姐電話係娛樂自己既玩意，一個幾毫既電話費都想慳，仲衰過個 D 講價既孤寒友。

其實鳳樓客中都有 D 會令鳳姐好過 D 既，佢地去幫襯，分分鐘唔使任何服務，錢照俾，但係只係傾偈，或者自己手淫，掂都唔掂下個鳳姐，真係豪爽勒！呢亭人就最受鳳姐歡迎勒！

2000年11月9日

性節目主持講男語錄有情有慾

新聞來源：東方日報

身為電視成人節目《麻甩 Show 》其中之兩位主持 Gobby 同 Sharon ，同樣係以性感作為號召，而且係節目中無時無刻都要以大膽露骨既話題，吸引一眾麻甩佬同自己分享對性愛既感受；但對於年僅 19 歲既佢地黎講，要同一班麻甩佬講「性」，當中又有冇困難呢？

Gobby 同 Sharon 異口同聲回答：「冇。因為我地只會愈講愈興奮，愈聽愈開心，唔會有困難。」難道佢地對「性」真係可以咁 Open ？

語錄一 ： 男人唔可靠
當上成人節目主持後， Gobby 同 Sharon 可謂見盡好色男，事關每次節目中，佢地都要跟一個又一個同自己毫不相識既男人談論「性」事，好似做愛既姿勢同感受等等，而當小記問到佢地對呢班好色男有乜感覺時，佢地都話：「而家既男人冇一個可靠」，因為 … …

Gobby ：「因為我爸爸俾我既感覺唔係一個好男人，事關佢唔開心都會搵我同媽咪黎出氣，有時唔只鬧咁簡單，仲會打我地，所以我自細對男人可以話完全冇好感。再者，而家既男人個個都鍾意係出面風花雪月，對感情都唔專一，男人係我心目中，根本就唔可靠。」

Sharon ：「以前既我會對一個人死心塌地，真係一心一意咁去愛對方，但係做左成人節目主持之後，漸漸令我對感情同性既睇法改變左；唔係因為我曾經係感情路上受過傷害，而係我覺得而家 D 男人，唔再好似以前 D 咁可靠。事關就算而家結左婚，第日都會離婚，唔可以擔保呢個男人唔會傷害自己，而且我覺得係感情路上，如果唔太過執著既話，反而舒服得多。」

語錄二 ： 我地既第一次
對於女人既第一次，好多人都認為，係而家呢個年代，仲邊度會有好似阿媽個一代咁守身如玉架！就算阿媽千叮萬囑唔好咁輕易失身俾人都好，好多時酒醉過後，一覺醒來已經 … …唔知 Gobby 同 Sharon 既第一次，又係咪係不知不覺間咁失去呢？

Gobby ：「梗係唔係啦！都不知幾痛呀！我已經比起其他朋友遲左勒！事關我好多朋友都係係 15 、 16 歲既時候，就已經失身，而我既第一次係係 19 歲生日當晚，個個男人咪係我而家個男朋友囉！好多時聽人講做愛好 Enjoy 、好舒服，但我都唔覺得，因為我只覺得個一刻好痛。」

Sharon ：「 17 歲初戀同第一個男朋友係埋一齊既時候，我既第一次咪就係俾左佢囉！可能當時大家都覺得好有 Feeling 卦！咁咪一齊初嘗禁果囉！」

後記：鍾意年紀大男人
到左訪問尾聲，小記問到佢地希望將來自己另一半係點樣既時候，佢地都答：「我一定要自己既男朋友，或者老公，最起碼大自己十幾年，因為同一個年紀大過自己既男人係埋一齊，好多時對方都好 Take Care 自己，唔使我照顧番佢轉頭，你話係咪？」其實小記對於佢地既講法亦有同感，但恐怕大家年齡相距得太遠會有代溝者！

2000年11月9日

日本展覽女郎並非布景板

新聞來源：太陽報

日本美女如雲，無論走到哪况都可碰到一、兩個可人兒。正因為當地「盛產」靚女，不少公司都喜歡羅致美女作為展覽會的代言人。事實上，當地的靚女真是不愁會失業，除了可當水著女郎和賽車女郎外，還可成為展覽女郎。

日本有三種是靚女專利的職業，分別是水著女郎（Swimsuit Girl）、賽車女郎（Racing Queen）和展覽女郎（Showgirl）。大部分人對前兩者的工作性質比較熟悉，事關當中曾出過不少星級人馬。

談到著名的水著女郎，大家便可隨口說出酒井若菜、釋由美子、優香等現已為人熟悉的名字。至於賽車女郎亦有宗政美貴、鈴木史華等代表人物，加上日本賽車比賽多，亦令賽車女郎頻頻出鏡，甚受人注視。

比起前兩者，Showgirl其實有更多工作機會，卻反而較少人注意。原因可能因為她們的責任主要是做展覽會的解說員，妹仔又豈能大過主人婆呢？所以她們往往只能擔當被動角色。

何況日本時時刻刻都有不同類型的展覽會，當展覽女郎的人為數不少，數目太多只會令人眼花繚亂，再加上每次展覽會的Showgirl都不盡相同，難令人對某位女郎留下印象，難怪展覽女郎比水著和賽車女郎較難為人認識。

雖然講到受歡迎，展覽女郎不及前兩者，但論入職條件卻嚴格得多。要做一個稱職的Showgirl，不但樣子要甜美，給人一分親切感，而且聲音要動聽，談吐有禮，舉止得體。除此之外，她們還要對展覽會的產品有認識，才能夠解答參觀者的問題，所以要有一定學歷。

由於展覽女郎代表了整個展覽單位，所以她們要保持形象，事關一舉一動都足以影響參觀者對單位的印象。有時候她們還要充當解說和推銷的角色。比起水著女郎只需要拍照和賽車女郎做賽車公司的活動布景板，Showgirl的職責廣泛得多，不過水著和賽車女郎會有成名的機會，但展覽女郎呢？展覽會完結，她們的工作亦隨即完成，要成名並不容易，所以大部分展覽女郎都是兼職性質。

Showgirl們本身多有正職，當展覽單位有需要時才會聘請她們。好處是單位不用浪費金錢去僱用長期員工，而且可以經常轉換新面孔，因應不同性質的展覽挑選適合的女郎，故此，日本鮮有職業Showgirl。

由於不少展覽女郎都是兼職，所以有時候會發現有一些二、三線的水著女郎和部分賽車女郎客串。單位可利用她們的知名度，而她們又能夠保持曝光率，大家相得益彰。這種現象更漸漸成為趨勢，令展覽女郎、水著女郎和賽車女郎三者的分野變得混淆。

另外，有些展覽女郎原來本身是風俗孃，她們利用這份兼職去招攬客人，由於有這班害群之馬的存在，令不少展覽單位情願找水著女郎和賽車女郎幫手，都不願令聲譽受損。

每年日本的東京遊戲展和其他車展，都有無數漂亮可人的展覽女郎作襯托，她們當然謀殺了攝影師不少的菲林，不過大家有沒有發覺，即使這些Showgirl的照片刊登出來，都沒有列出她們的名字，所以形容她們是一群默默耕耘的工作者，也不為過。

2000年11月9日

中世紀獵巫運動變相性虐表演

新聞來源：太陽報

中世紀的歐洲，是一個充斥迷信和暴力的時代，除了大小的戰爭外，對女性的迫害更是無日無之。當時在歐洲諸國中，曾經發生一連串的獵巫運動，想不到卻因此掀起一片淫風。

根據 15 世紀初，一本專門描寫女巫的書《反女巫之槌》中記載，歐洲人相信女巫都是淫亂的化身。書中形容女巫是「邪惡、淫亂、把身體交給撒旦，她們都打扮得十分漂亮，藉以勾引男人和她們作出各種淫行。」類似的言論和書籍充斥當時的歐洲。正因如此，獵巫運動就滲入了大量色情成分，甚至把殺死女巫的過程，變成一個公開的性虐待表演。

由於中世紀的歐洲，極度缺乏娛樂，因此一些審判女巫的會議，就變成平民百姓最理想的嘉年華會，當中更帶有大量色情成分。審訊容許所有人參與或旁聽，被指為女巫的女性在經過酷刑之後，被迫承認自己與撒旦訂有契約，這種契約必然包括各種淫亂的行為。

1616年德國的一次女巫審訊中，被指為女巫的一名女子，就在大庭廣眾中，承認自己女巫的身分，更詳細描述她與魔鬼撒旦及其他男性的各種淫亂行為，在場的男性都聽得津津有味，當中更包括負責審判的教士，他們甚至在文件紀錄中，盛讚被審訊的女子「樣貌姣好，身材出眾」。當時會場中更有各類小販售賣食品及酒，供民眾享用。

每當一名女巫被宣判有罪，她便會被施以各種酷刑，過程如同色情演出，圍觀的男性更加看得十分起勁，事關該名女巫會被脫得全身清光，再被吊起來檢驗全身，甚至當眾把全身的體毛剃光，配以暗含性虐成分的酷刑，讓這些赤裸的女性在人前展露身段及各種痛苦的表情，充滿性虐的意味。

這種獵殺女巫的運動，一直維持了一段頗長的時間，直到距今 300 年前，才完全消失，可說是對女性的一種嚴重迫害。希望未來的日子，再不會出現這樣的情況。

2000年11月9日

一代AV女王自爆驚人過去出自傳變身成才女

新聞來源：蘋果日報

日本既 AV 界，出左唔少經典既「 AV 女王」，但未必個個都咁出名，但論到經典，相信「飯島愛」可謂無出其右，佢係少數既 AV 女優當中能夠做到國際知名。

雖然飯島愛好似靜左一排，但最近佢正式係日本文壇出現，做個女作家， 10 月底推出左佢既自傳《 Platonic Sex 》（柏拉圖的性愛），因為大爆佢由失身至成名既經歷，吸引唔少人購買，初版 4 萬本，「喳」一聲賣晒，重加印緊 8 萬本應市。

呢本書，除左因為佢係經典「 AV 女王」、「朱古力妹鼻祖」而有吸引力，令人產生好奇去窺探佢既過去外，更加因為佢毫無隱瞞咁大膽披露佢既過去，可以話鹹過色情小說，所以令人爭相購閱。

尤其是係飯島愛（佢今年 28 歲）既年代，社會重比較保守，佢竟然可以行快人咁多步，好多人都想知道佢既人生觀，點解可以有今日既成就等等，甚至當鹹古睇都無妨。

本來一般人寫自己既自傳，好多時都報喜不報憂，但飯島愛就將佢既私隱完完全全揭露出來。書入面一開始，就講佢 14 歲逃學，同男朋友開房失身，然後俾老竇「狂炳」；之後，又講佢點樣做愛、離家出走、被人強暴，吸天拿水上癮，成為不良少女，都一一露骨咁寫晒出黎。

佢更加激到連做女藝人最「棹忌」既事情 -- 整容、隆胸、墮過胎，佢都係書入面披露出黎，可以話為求出位，乜都夠膽。但最抵死係聽講呢本書既內文，鹹得黎又寫得好感性，由墮落既過程中去搵「愛」。飯島愛話希望用佢既過去，為依家既迷途少女，做個好好既反面教材。

2000年11月8日

騎呢鳳姐廣告大解睇

新聞來源：東方日報

80 年代，一樓一鳳架步為求吸引人客，紛紛掛出各式各樣「黃色招牌」以作招徠，當年滿街招牌的情景簡直蔚為奇觀，相信不少人仍然記憶猶新。今時今日，招牌充斥滿街的情景再不復見，鳳姐已經改為在報章賣廣告去宣傳自己。

在無數的鳳姐廣告中，宣傳標題的「抵死」程度，廣告界奇才見到都可能要甘拜下風。這些抵死的鳳姐廣告標題，驟眼睇絕對係一頭霧水，要一睇再睇先會明白內容真諦。在一眾鳳姐廣告當中，選出最「抵死」的十個標題，以博讀者一笑。十大「騎呢」鳳姐廣告頒獎典禮現在正式開始！

第一位：竹筍靚
當選原因：講最抵死最無厘頭，男極裁判團一致認為，呢個鳳姐廣告既標題絕對大熱勝出。無端端睇到呢段廣告標題，仲以為係今年「竹筍」當造， D 雜貨舖走出黎大賣廣告促銷，有乜可能會諗到，呢個居然係鳳姐廣告？

真相：人有唔同性格，女人身材亦各有不同，各種性書相學一致認為，女性乳房以「竹筍」形為之極品，呢個無厘頭廣告標題，無非係標榜鳳姐乳房形狀，惹人遐想，到底係真係假就真係好難講咯！

第二位：小鳥樂園
當選原因：呢排 D 「小鳥」絕對係城中熱門話題，事關西鐵係塱原收地，被環保署否決左，環保人士認為塱原係名副其實既小鳥樂園，收地會令無數小鳥失去棲身之所，唔通呢個廣告係環保人士登既請願廣告？

真相：男人那話兒俗稱「雀仔」，文雅 D 講就叫做小鳥，呢位鳳姐其實係想表達一個意思，只要上去幫襯，閣下既「小鳥」絕對可以樂而忘返，唔係點叫小鳥樂園喎！

第三位：土瓜灣出爐蛋撻
當選原因：呢位鳳姐真係認真好想像力，諗出呢個極度抵死既廣告標題，蛋撻雖然係唔少人既至愛，但從來只聽過葡撻、酥皮撻、牛油撻，以地區黎區分既土瓜灣蛋撻，簡直係聞所未聞。

真相：同「小鳥樂園」一樣，呢個廣告標題亦係用隱喻形式去吸引人，一提起鮑魚、生蠔、蛋撻等等既食物，好多人立即發出會心微笑，以上食物統統係女性生殖器既俗稱，至於土瓜灣蛋撻點解？唔該閣下用腦諗下。

第四位：八項全能
當選原因：田徑全能項目當中，男仔玩十項，女仔就玩七項，從來都未聽過有八項全能呢家野，唔通係下屆奧運既新增項目？

真相：而家 D 人客統統係被寵壞既一群， D 鳳姐要以「服務夠多」去吸引人客，出黎玩個班人，開口埋口就四味五味，呢個鳳姐無非想話俾人知，佢足足提供八味服務，至於有邊八味，就要你自己去尋求真相勒！

第五位：馬來寮國大南街
當選原因：馬來西亞、寮國係東南亞國家，而大南街係太子區某條街，兩者完全拉唔上關係，唔通呢兩個東南亞國家，都不約而同有一條街叫大南街？

真相：簡單過簡單，呢段標題想話俾人知，係太子大南街裡面，有馬來西亞以及寮國鳳姐存在。至於點解標榜有東南亞國籍既鳳姐，就唔知勒！

第六位：易辦事
當選原因：用 EPS 易辦事俾錢，唔使袋咁多現金出街，真係方便，唔通呢位鳳姐都咁先進，居然幫襯完可以碌卡過數埋單？

真相：你就想勒！真相係鳳姐想大開方便之門，乜都有得商量，希望吸引多 D 人客者！

第七位：荃灣好野
當選原因：全港有 19 區，荃灣當然係其中既大區之一，睇呢個廣告標題，令人以為係荃灣區議會賣既廣告，宣傳荃灣威水既一面，點可能知道原來係鳳姐廣告。

真相：小記好少去荃灣區，真係唔知荃灣係咪真係咁好野，至於荃灣區既鳳姐係咪比其他區叻好多，相信有待求證，賣廣告自吹自擂有乜出奇丫！

第八位：毋忘我
當選原因： D 報紙雜誌成日都有 D 癡情男女登求愛廣告，內容總離唔開我愛你、我等你諸如此類既肉麻形容詞，「毋忘我」一詞係求愛廣告當中亦時常出現，鳳姐廣告標題寫成咁，好易令人有誤解。

真相：「項莊舞劍，志在沛公」，呢段鳳姐廣告標題，「毋忘我」一詞完全係其次，「吹」字先至係重點所在，點解？唔使畫公仔畫出腸卦！

第九位：阿麗四十
當選原因：當年蕭芳芳憑《女人四十》呢部戲奪得影后榮譽，蕭影后既精湛演技人所共知，唔通佢又接左部新戲叫「阿麗四十」？睇呢個廣告標題，仲以為係電影公司賣廣告。

真相：其實呢個鳳姐真係幾誠實，其他鳳姐芳齡 35 都要扮 18 ，呢位叫阿麗既就話到明自己 40 歲，咪以為咁大年紀冇人幫襯，呢期 D 北嫂企街個個都 40 、 50 歲，一樣大把阿叔、阿伯捧場呀！

第十位：佐新蘇大波
當選原因：極度無厘頭既廣告標題，「大波」就係人都知點解？但佐新蘇究竟係乜？唔通係個鳳姐個名？

真相：呢個標題之所以唔明，全因佢用左縮寫方法，如果話俾你知，「佐新蘇大波」即係「佐敦區新黎既蘇州鳳姐上圍非常勁抽」，咁咪一睇就明囉！

2000年11月8日	前戲搞邊科姐妹最霖哥？	新聞來源：東方日報
男人，人到中年，一爬上床就相對無言，莫講話主動挑釁徹夜纏綿。女人，狼虎之年，未到床邊已嬌喘連連，恨不得枕邊人如箭在弦，雄風再現。咁既環境，女人慾火高漲，男人望住褲襠暗自惆悵，猛龍變懶蟲，惟有同場加演出色既前戲黎滿足姐妹，唔知各位姐妹又鍾意 D 乜野前戲呢？走訪 183 位女士，問下佢地對前戲既喜好，發覺好多女士都比較著重感覺，只要伴侶攬一攬，一樣嗒糖！至於其他招式排位如何，即時報上。第一位　得票率 36% ( 男人攬一攬　春情即氾濫 ) 女人始終係感性既動物，只要唔係餓得太耐，其實一 D 柔聲慰問，再加個出盡力既熊抱，一樣霖到震，快感即時湧現。只可惜男人對手實在太唔得閒，兼且前後不分者！第二位　得票率 23% ( 情人咀一咀　法式好情趣 ) 法式濕吻霖到你暈，好多姊妹都覺得前戲動口不動手，錫下嘴仔已足夠，尤其加埋 D 深情眼神，一副甘於為你深入虎穴既表情，試問仲點唔甜到入心，全情投入丫！第三位　得票率 17% ( 愛撫我胸膛　亢奮唔在講 ) 當然，淨係得把口又點可以滿足需求，愛撫呢 D 指定動作一定唔少得！其中以「胸」降比較受姊妹歡迎，個種搔搔癢癢，血脈賁張既興奮感受，無出其右！如果男方細心些少，肯用指尖高速輕掃，效果更佳！第四位　得票率 14% ( 埋首在胸前　母愛新體驗 ) 女人始終鍾意有意無意間發揮下母愛既！尤其係男伴好似一個餓左好耐既嬰孩咁，對準女方胸前狂吻，姐妹跟住一邊掃佢個天靈蓋，你話場面幾咁溫馨感人先！第五位　得票率 10% ( 既然擔得起　何妨執多劑 ) 原來真係「施比受更有福」，有少數姐妹居然願幫男伴演奏一曲，自己都得到滿足。味道如何就口味不同，好難下結論！但佢地都話由於見到男伴雙眼反白，口部微張，全身顫抖個下表情而興奮。一句講晒「擔在你身，甜在我心」，仲認為咁為男伴著想，得益既又係自己咁話喎！後記原本仲有一欄「男方給女方口交」一個選擇，但係居然冇女士肯揀，得票率係 0% ！反而親力親為咁幫男方分擔既仲多人支持！女人，你始終都係俾男人搵著數架勒！
2000年11月8日	打擊娼妓民粹氾濫	新聞來源：明報
數日前 ﹐ 民協煞有介事發起了一次反娼妓遊行。事緣於近日深水步區娼妓猖獗 ﹐ 不少良家婦女被誤為妓女 ﹐ 居民向議員投訴 ﹐ 民協就發起了一次大遊行 ﹐ 希望警方加強打擊區內賣淫。筆者明白良家婦女被誤作妓女看待的難受 ﹐ 民協作為政黨 ﹐ 為了爭取選票而發動群眾亦無可厚非 ﹐ 不過 ﹐ 民協在遊行中只提打擊妓女 ﹐ 不提解決問題之道的作風 ﹐ 筆者卻不敢恭維。無可否認 ﹐ 有不少妓女是內地非法入境者 ﹐ 但並非全部妓女都是非法入境者。事實上在金融風暴後 ﹐ 不少沒有專長的低下層婦女因生活困苦 ﹐ 港府又以「綜援養懶人」為由收緊綜援金發放 ﹐ 她們被迫出賣肉體。執法者在執法時必一視同仁 ﹐ 不論本地妓女抑或來自內地的妓女都照抓如儀。來自內地的妓女多受黑幫操控 ﹐ 她們在黑幫的網絡保護下 ﹐ 除非警方多次有效放蛇 ﹐ 否則她們被警方拘捕的不多。相反 ﹐ 那些因生活逼人才操皮肉生涯的邊緣婦女 ﹐ 多為沒有組織的個體戶 ﹐ 在沒有黑幫網絡的支援下 ﹐ 往往被警方拘捕。她們為了保住生計 ﹐ 就被迫受黑幫控制。警方的打擊行動可能反使黑幫加強對區內妓女市場的控制 ﹐ 令情况更難以控制。筆者姑且不論賣淫背後的宗教和道德是非 ﹐ 單從維持社會治安的角度來看 ﹐ 民協作為一個負責任的政黨 ﹐ 在提出解決方案之時 ﹐ 是否應全盤考慮有關情况。像深水步的妓女問題 ﹐ 除了要求政府打擊賣淫活動外 ﹐ 是否應同時要求政府以一套有效的法律 ﹐ 將色情事業置於政府監控範圍內 ﹐ 以法律手段使黑社會不再利用色情事業作生財工具 ﹐ 這才是治標治本之方。在立法會選舉之時 ﹐ 民協信誓旦旦表明要為本地妓女爭取權益。選舉過後 ﹐ 就把選舉時的誓言忘掉得一乾二淨。香港政黨最大問題在為了討好選民 ﹐ 很多時見利忘義的提出很多民粹主義主張。親共民建聯如是 ﹐ 民主派的民協亦如是 ﹐ 這次遊行就為一個有力例子。如果這種政治文化仍然這樣維持下去 ﹐ 香港的政治水平並不會得到提升 ﹐ 反會變成像台灣那種民粹對民粹情况 ﹐ 那時真吾不欲觀之。

2000年11月8日	南非夜場迅速擴展色情大廈增多	新聞來源：蘋果日報
係家既南非除左黑人地位提升左之外，連娛樂事業也日益蓬勃起來，黑人、白人，任何膚色既人都可以到娛樂場所玩樂，除左最出名既賭城外，開普敦重有唔少成人玩意，出位非常，令本地人同遊客都大讚無得彈。南非既色情事業暫時都只係地下式經營，多數開係鬧市既閣樓中；經營模式以會所、夜總會、一樓一、酒吧為主。個 D 會所及夜總會，客人主要係遊客及中產階級，因為價錢一般都超過 500 美元（約 3,900 港元），屬於高消費玩意，不是一般普通人可以負擔得起。但近期當地既成人事業好似進行大改革咁，可能因為經濟唔算太好，生意減少，所以為左搶生意，實行平民化、普及化，務求個個人都可以玩得起，一 D 「色情大廈」因此應運而生。呢 D 色情大廈有點似香港既砵蘭街，整間大廈都係按摩院及髮廊，表面上睇係正行事業，但實際上內藏玄機，只要有心，真係乜都有得玩。開普敦既按摩院及髮廊設備都算完善及現代化，收費相對平好多，約為 100 美元左右（約 780 港元），玩法多多。一般都設有八間以上既私人大房，更有闊大既水力按摩池。而 D 小姐，黑、白靚女參半，佢地多數都受過專業訓練，剪髮、按摩都有一定技術，保證令客人滿意咁話。靚女們入到房亦乜都肯做，當然唔同服務有唔同價錢，玩完重可以有晚飯及酒水供應，真係頂爛市，搞到 D 會所、夜總會都生意大跌。但呢 D 色情大廈愈開愈多，逐漸有成行成市之勢。

2000年11月7日

北姑打到黎！陀地妹肉搏抗戰

新聞來源：東方日報

正所謂青春少艾，捉出黎賣，可想而知，後生靚女，係幾咁吸引呢！尤其係歡場，十八廿二既靚女，就更加係客人既心頭好，簡直係夢中情人添！只可惜，呢 D 青春無敵既陀地妹，係歡場中有名既金魚，全部睇得唔食得，若然人客想買鐘出街？唔該搵北方代表 -- 木魚。

但係時代變左勒！老友，金魚冇水咪遲早做「鹹魚」！為左生存，惟有執生啦！而家就有 D 夜總會，以陀地靚妹做主打，務求係呢個沉寂既夜總會行業中，殺出一條血路。

陀地靚妹仔，向來駐場係夜總會既晚舞時段，事關規模細既夜總會，晚舞多數做劈酒客，所以亦岩晒呢 D 身嬌肉貴既陀地妹，若果係接待 D 買鐘出街既客人，咁就要留番俾茶舞既北姑勒！

今時今日，晚舞劈酒客少左，呢班靚妹仲要係呢行生存，就要醒醒定定，如果唔係，就唔夠班北姑做。但話時話，呢 D 靚妹一向咁錫身，連搭下膊頭都詐型，而家就陪客出街都冇問題，咁咪即係打爛金魚招牌！

所謂同行如敵國，呢班靚妹 PR ，亦要互相爭飯食，事關客人要 Mark 女出街，通常只會諗起 D 北姑，而家話 D 陀地靚妹都出埋呢招，咁客人咪即係多左選擇。客就得咁多勒！咁點令到客人 Mark 自己呢？方法好簡單，男人跳舞，尋開心者！小姐霖得 D 客掂，咪唔使頭痕囉！

聽 D 小姐講，霖客首要夠熱情，一坐檯，首先要打開悶局，用最短時間同客人熟絡左先，然後即刻發放無限熱情，等客人有一種耳目一新既感覺，同時間亦要招呼周到，冇酒？斟酒，食煙？點火，之後又要小鳥依人，甚至大獻香吻！務求令客人覺得自己係全場最溫柔體貼、善解人意個，咁個客買鐘出街既機會都多 D 啦！

話就話要盡快打開悶局，搞好氣氛者！但小姐自己都要有番咁上下「才華」至得既！若果枚又屎，又唔飲得，唱歌好似貓叫咁，想唔死都難！所以呢 D 小姐，一定要猜、飲、跳、唱樣樣精至得，如果唔係，咪即係客人陪小姐玩！

講到猜枚飲酒，其實呢 D 靚妹已經功力深厚，事關以前做金魚，每日就係不停咁猜、不停咁飲，所以呢方面從未驚過。講到跳，男人當然鍾意 D 活躍跳跳紮既女仔啦！甚至要你即場跳下舞黎睇，亦都唔係問題，因為班女晚晚蒲 D ，點跳都難唔到佢地啦！

講到唱歌，簡直係夜總會不可缺少既一環，但唔係個個都咁好歌喉既，所以小姐們亦好醒目，識得揀 D 易唱既，咁咪唔會失禮人囉！講開又講，其實佢地咁搏命霖客，為乜呢？

PR 華女：「梗係為錢啦！若然玩玩下，梗係冇所謂啦！但你要靠呢行搵食，咁當然要有番 D 做呢行既操守，俾心機招呼客人，只係尊重自己呢行，敬業樂業嘛！再講，唔搏命搵錢，夜晚點去蒲呀！」

PR Emily ：「唔係話霖客既！呢 D 野互相既，不過做呢行競爭都幾大架！要班客頻 D 黎捧場，梗係唔可以好似 D 北姑咁，冇黎情趣啦！點解以前 D 金魚唔出街都一樣有咁多人捧場者！梗係有我地既魅力！」

訪問時，聽到 D 靚妹 PR 講，而家做呢行既陀地妹，唯一既勁敵就係北姑，因為佢地夠放，但呢 D 陀地靚妹，好似一 D 都唔驚會俾北姑影響咁，都岩既，以前 D 客人因為呢 D 靚妹吊高黎賣，所以先至選擇北姑，而家佢地肯俾客買鐘出街，咁班客仲唔安樂晒咩！

小記眼見好多夜總會都轉左做 Disco ，可以諗得到而家既細場有幾好做，雖則話仲有生意，但小姐要霖到客出街，都未必係件易事，市道唔好，霖得掂客人落大鐘，都叫好叻女囉！

2000年11月7日

辦公室危情四伏最易發展婚外情

新聞來源：太陽報

所謂「近水樓台先得月」，其實到今時今日，這句說話依然所言非差。最近一個志願團體的調查報告顯示，有接近 40% 的婚外情，原來是在工作環境發生，比起其他因素導致的婚外情，高出起碼 10%。

據「香港明愛婚外情問題支援服務」的調查顯示，自 1997年12月起，至 2000年2月為止，一共接獲 1089 宗婚外情的求助電話，平均每月有 40.3 位求助者，當中包括第三者、外遇者與外遇者的配偶。若以每日為單位計算，即一日裡面，有高達 1.3 個求助電話。如果計算未有求助的個案，每日搞婚外情的人士，實際上比數字顯示更高。

調查顯示，佔 60% 的求助電話為「受害人」，第三者的求助個案較低，只佔 13.6%。當然，我們不能忽略的是，有更多的第三者，恥於求助，而令到統計數字偏低的情況出現。

可能因為香港人工作繁忙的關係，很多人在公司的時間，會比在家中為多。在日久生情之下，發展出婚外情的機會率自然較高。「婚外情問題支援服務」的調查數據顯示，有 37% 的婚外情，是在工作環境產生。當中所指的，並不包括因為消遣、娛樂以及其他途徑而衍生的婚外情，而淨指單單從工作環境，發展出來的婚外戀情。因公幹而北上包二奶者，並不計算在內。

這個「驚人」數字顯示，工作環境實際上是引起婚外情的最主要因素。它的百分比率，比起在其他環境認識的異性，而發展婚外情的人數，高出超過 10%（26.7%）。可想而知，辦公室之內，發生婚外情的潛在危機率十分之高。

調查報告有一點還值得大家注意的，便是這些婚外情個案，維持了超過 6 個月者，竟然超過 40%。拖拖拉拉超過一年者，更高達 23.1%。婚外情關係的平均長久度，亦十分驚人，竟然維持高達一年半。顯示了在因利乘便底下，發展出來的婚外情個案，屬持久性和穩定性較強的。

當然，有一點值得一提的，便是只有持久性愈長的婚外情，才會引起較多的求助個案。短短三幾個星期，或一至兩個月的婚外情關係，部分外遇者的配偶可能會啞忍，或甚至根本並不察覺，以致未有致電求助。因此，調查報告可以肯定的，便是香港人發生婚外情的比率十分之高，大部分都維持了一段頗為持久的時間，港人婚姻觀念似乎愈趨薄弱。

調查報告雖然顯示，工作環境是發生婚外情的重要「戰場」，不過我們在閱讀數據之前，首先要注意短暫的婚外情很難發現。當中或許因為其他因素，譬如在異地發展的婚外情，一般都難以察覺。其實婚外情好像很刺激，但賠上一段婚姻卻不見得值得。

2000年11月7日

手機 i-mode上網服務令少女賣底熱潮再臨

新聞來源：蘋果日報

日本有 D 後生女有段時間就算唔搞「援助交際」，都會賣下自己 D 底衫褲黎賺外快，但當局修例禁止 D 專門店賣「未成年少女產品」，所以就靜左一輪。不過，最近又因「 i-mode 」手機上網成為熱潮，令美少女「賣底」活動又起死回生。

依家係日本，「 i-mode 」既使用人數突破 1 千 2 百萬，因為 i-mode 比 WAP 功能便宜，又可以傳送多方面資訊，而且新一代手機螢幕逐漸彩色化，好多後生仔女都放棄搭車睇書、睇漫畫既習慣，轉為上 i-mode 睇資訊、打機等。

正因為咁，近半年黎， i-mode 令日本既色情事業推向另一個境界。本來 i-mode 既網頁要由有關既網絡公司授權，但當有「彩色畫面」手機出現，開始有人搞 D 「非公認」既 i-mode 網頁，可以 Download 鹹相。日本既出版物唔可以露四點，但網上就無王管！

另方面， i-mode 既網上「傳言板」亦成為「淫媒」，好多靚妹仔透過傳言板，大搞「援助交際」；甚至有 D 唔想安分既「人妻」，都走去做「傳言妻」，玩不倫之戀。

傳言板亦令一度沉寂既「內衣褲交易」再度活躍起黎，而且以前要「賣底」，係東京就局限係東京，但依家就可以通全國。因為「收藏家」可以透過 i-mode 上網搵貨源，連有 D 以前唔敢去舖頭買既人，都想透過 i-mode 訂購。

i-mode 比電腦上網更方便，因為可隨時隨地互通電話議價，令到有 D 北海道少女都係東京搵到生意，可謂打破「地域界限」，又唔使俾店舖中間人抽水。似乎呢個「賣底」潮，有隨住 i-mode 而有再度興盛既跡象。

2000年11月6日

婦女尊嚴比1985年淪落18倍

新聞來源：東方日報

特區政府治港無能， 3 年以來民不聊生民怨沸騰。失業裁員數字高踞不下，經濟蕭條必然帶來一連串家庭慘劇的惡果。據和諧之家今年接獲的家庭暴力案件數字比 1985 年暴升 18 倍！這是一個恐怖的數字。

不善忘的香港人都會記得， 1985 年是「中英聯合聲明」正式簽署的一年，這一年是香港命運重大的轉捩點。 1985 年的香港由殖民地政府管理，百業興旺，欣欣向榮，雖然經歷過 1983 年的「黑色星期五」之劫，但在政府有力管治下，很快復甦。

一個社會要是經濟繁榮，市民有工做，有飯吃，心情好，父慈子孝，兄友弟恭，家庭倫理便和諧安康，這正是儒家精神在中國人社會的最大實踐。

特區政府的最高負責人董建華一上任就奢言「儒家精神」，言下之意好像在殖民地時代，香港中國人的儒家理想一定受壓抑，要有待他來一手復興。但特區 3 年以來，要請問一句：家庭暴力比 1985 年數以 10 倍計地巨幅增長，這是哪一門哪一派的「儒家精神」？

為甚麼 3 年以來的「儒家統治」，造成的後果是更多的破碎家庭、更多被毆打致傷的無辜婦女？舉案齊眉，共諧白首，這是千百年來儒家思想中的夫婦相處的哲理，為何今天不但得不到貫徹，還比港英殖民地時代大大退步？

過去 3 年來，香港民生苦困，已造成本地婦女從事娼妓的數字激增至 20 萬（此一數字不包括持雙程證或非法來港當娼的大陸「北姑」）。

前天旺角花園街就發生了一宗夫妻倫常悲劇：一名剛來港的新移民婦女因丈夫失業，家中入不敷支，據說為了生計，偷偷下海當舞小姐，秘密被丈夫揭破，被操刀砍傷。這樣的慘劇，令人心膽俱裂。

在故事集《愛的教育》裡，有一個故事叫「少年筆耕」，講一個苦學生，因為看見謄寫文稿維生的父親挑燈夜寫，工作辛苦，為了幫忙，夜夜在等父親工作完就寢，自己躡足起床為父親抄寫工作。長久下來，這位小學生睡眠不足，成績退步，遭到父親的懲罰，他卻默默忍受，只因為不想爸爸知道。後來在一個清晨，父親走進書房，看見在筆耕的兒子，才知道怪錯了這個孝子。

前天的家庭慘劇，也令我們想起一百多年前這部意大利名著中的感人章節。這位被迫下海的婦女，無論如何也是為了養活一家，我們希望她早日康復。

請特區政府看看我們傳媒忠實報道的社會真相：這就是你們管治無能之下釀成的悲劇。這樣的事情，曝光的不只有這一宗，我們相信沒有報道的還有更多。要二三十年才實現的甚麼遠大藍圖、長遠理想，甚麼「香港明天會更好」、「香港一定得」，泡沫一樣的口號難以掩蓋血淋淋的現實。

1985 年，香港的婦女有尊嚴，香港人雖然為政治前途而憂，但從來沒有想到過有朝一日這個地方會淪為第三世界般的悲慘社會。家庭暴力案勁增 18 倍，如果一倍是一層地獄，這就共有 18 層，這個數字粉碎了一切政治宣傳的美好謊言。我們為這個政府感到羞恥。

2000年11月6日

男女混戰影帶異軍突起

新聞來源：太陽報

沉靜了好一段日子的日本成人影帶市場，最近又再出現新衝擊，一批單純講男女混合摔角的影帶突然異軍突起。雖然其內容完全欠奉性愛場面，但一樣吸引到大班好色之士搶購，當中究竟有甚麼吸引之處呢？

自超人氣女優川島和津實引退後，日本的AV界又再次沉寂起來，有人歸咎於新人質素欠佳，沒有一位可完全取代川島和津實的位置。AV界又再次踏入青黃不接期，無法捧出新一代焦點人物，在欠缺話題的情況下，令AV界難免要面對經營困境。

此外，部分影評人又批評AV的取材愈來愈千篇一律，尤其是自視為大企劃的幾間製作及發行公司，作品內容太過公式化，不是玩學生妹、制服或愛情，就是玩強暴，這些橋段早已翻用過不知多少次，自然不能給予觀眾新鮮感，他們的購買慾當然亦相應減低。

既知道高質的女優可遇不可求，有部分AV製作公司就改在取材上動腦筋，希望可拍出一些突破性的題材，在淡市中衝出重圍。好像最近有一間小型製作公司推出了一系列男女混合摔角影帶，雖然該系列影帶全放於成人影視專門店發售，但內容連丁點性愛場面也沒有。別以為男女主角起初會假裝玩摔角，之後就擦出火花，繼而出現做愛的三級橋段。

此系列影帶純粹是表演摔角，所有男女主角均擁有純熟的摔角技巧，並非徒具姿勢。影帶唯一含有色情成分的地方，僅是女主角的衣著比較性感，她們有時會穿著三點式泳衣。有時則會穿著超短迷你裙出場，所以她們在摔角時，經常會不慎露點和露底，但男主角絕不會乘虛而入，乘機抽水，只會繼續格鬥。

可能就是這種漫不經意的走光場面和少許暴力成分，博取到一班有偷窺和SM癖好的觀眾歡心，所以影帶推出不久，即時引起一片搶購熱潮，令沉靜多時的AV界露出一線曙光。查實這系列男女混合摔角影帶，也可以成為女士們的恩物，皆因男女主角表現認真，拳拳到肉，觀看此系列影帶，女士們便可從中偷師，學到一招半式防狼術，日後就可有「一技傍身」啦！

2000年11月6日

搞到心理不平衡風俗娘想要愛情又要金

新聞來源：蘋果日報

風俗娘都係人，除左佢地每日要做足幾味服侍客人外，基本上佢地都係一個女人，其實佢地都有感情問題。最近日本做左個調查，搵左 100 個風俗娘，了解下佢地既感情世界。

咪睇班日本風俗娘可以同男人玩得咁癲，佢地就可以摒棄七情六慾，其實佢地唔少係深層意識都有一股強烈既「欲望」，呢樣唔理係乜野欲望，主要係由物質而起，但最終就變成一種動力，令佢地有勇氣跟不同男人玉帛相見。而佢地始終係女人，都想有個男人錫，呢樣就屬於心理需要；搞搞下，物欲與精神失衡，唔少人心理都有 D 不平衡。

先睇下佢地呢班人入面，原來有 64 人依家無男朋友，只得 36 人話有。無既理由係因為覺得咁樣做，對男友好唔公平，而且畀佢地知道一定會「炒大鑊」，佢地覺得自己年輕，要趁依家有能力，就去追求自己既生活，唔想有束縛。

其實再問呢 64 人，超過 8 成都想有個男人對佢地好，所以好多都有「叫鴨」既習慣，唔少搵到錢就左手黎，右手去，畀晒鴨仔。佢地「下海」既原意，係想賺多 D 錢，以後可以生活好 D ，但實際唔少重衰過以前。

另外 36 個有男友既風俗娘，有 40% 左右都瞞住男朋友； 20% 就由客人發展到拍拖；約 30% 就話男友好 Open 、唔介意。但其實如果真係唔介意既話，對個女人鍾意極都有限。據另一個調查指出，做風俗娘期間既女性，戀愛到最後有結果（指結婚）既人，唔到 10% 。

最近香港「娼妓合法化」既問題又再傾得幾熱鬧，日本都有合法既紅燈區，但日本就忽略去做好多心理健康方面既教育，加埋社會風氣，可以睇到，依家出現好多失控既情況，值得香港借鏡。

版權屬於原作者所有，如有侵害到他人的著作權會立刻拿除。