焦點話題 20000710

焦點話題

2000年7月10日 - 7月16日

2000年7月16日

成人雜誌封面女郎大追蹤

新聞來源：東方日報

呢個世界，樣靚身材正既女人大把，如果女人冇呢種外在美唔緊要，想吸引男人注意都唔難，只要有內涵，絕對可以彌補一切討得男人歡心。但一本成人雜誌想單憑內涵吸引男人就好難，男人睇鹹書，外在美重於一切，任你內容如何狗屁不通，搵到個靚封面女郎掛帥，自然有大把男人爭住俾錢買你本書。

靚封面女郎對於成人雜誌銷量有舉足輕重作用，所以各雜誌社都不惜工本，務求可以搵到個靚女返黎影封面相。

十幾廿年前成人雜誌開始係香港興起，以往市場上冇咁多書競爭，要生存一 D 都唔難，想當年八十年代經典鹹書「蛇貓狗」，抄抄拼拼既內容，再買 D 泰妹相番黎做封面，已經可以吸引大批讀者捧場，並曾經創下一期三十萬本既空前銷量。

但今時唔同往日，而家讀者既要求好高，佢地選買一本成人雜誌，唔奢望有甚麼名家著作吸引內容，最起碼都要求有個醒神靚封面女郎可以欣賞下。以前 D 成人雜誌統統當 D 讀者係傻仔，求其買張泰妹相番黎做封面，就扮晒旺角 18 歲女 Sales 處女寫真，家陣睇番真係完全得啖笑。

成人雜誌要靠封面女郎谷起銷量，已經係不爭既事實，但要搵一個夠卡士既女仔黎影封面，仲要肯玉體橫陳剝清任人睇，其實都唔係一件容易事。據養德堂負責人黃韋龍講，佢地旗下兩本成人雜誌，期期都要為封面女郎頭痛，有時真係諗到頭髮都白呀！

4 大類封面女郎來源：

1. 買相型

呢種買相絕對唔同以前果 D ，泰妹相、賓妹相已經唔係主流，代之而起既係一 D 好有美感既台灣妹、日本妹寫真。日本妹寫真主要黎自日本雜誌社版權，你肯俾錢就有權用 D 相，但日本雜誌社方面亦有權將版權再賣俾其他人，所以 D 日本妹寫真好少可以獨家。

而 D 台灣妹寫真就唔同，成人雜誌市場上有唔少攝影師係台灣好有門路，搭通天地線可以搵到唔少高質素台灣妹拍寫真（當年我地影后舒淇姐姐既情形都係咁），再將成輯相賣斷俾香港成人雜誌社，所以台灣妹寫真大部分都可以成為獨家封面女郎。

2. 就手型

自從幾年前開始，唔少成人雜誌以報道歡場資訊為主打，每期都搵專人到澳門街夜澳會、浴室，又或者香港 D 馬檻場、指壓場囉料，雙方當然有互惠互利既關係存在，歡場提供 D 女仔影相當做宣傳，雜誌方面除左有專題報道之外，撞岩 D 質素好既，更可以落嘴頭氹埋佢影輯寫真，所費無幾，頂多都係俾個女仔一千幾百，有 D 更加影完一毫子都唔使俾。

呢種就手型封面女郎，近呢一年出現過無數次，好多讀者睇完之後，亦紛紛按圖索驥到該歡場捧場，由於對生意額有幫助，據講有某 D 歡場老闆直情貼錢俾成人雜誌社，希望旗下 D 女仔可以做封面女郎，雜誌社方面當然舉腳贊成，一家便宜兩家著，各取所需。

3. 重金型

市面有少數高檔成人雜誌，每期影封面女郎都使唔少錢，呢個世界一分錢一分貨，俾得咁多錢出黎影既封面女郎，未必一定最靚，但最低限度呢位封面女郎一定要薄有名氣，又或者有市場話題。

搵 D 有些少知名度既女仔黎影封面寫真，三幾萬酬金就唔少得，例如拍過唔少三級片既曾燕，又或者有線電視成人節目主持陳昭昭、張綺桐，都曾經幫成人雜誌影過封面。成人雜誌肯使呢筆錢，在生意角度當然算過度過，靠呢 D 封面谷多三幾千本銷量，條數已經番黎，呢個世界冇人咁蠢會做蝕本生意。

4. 推介型

仲有一種叫做推介型，原來有唔少中間人為成人雜誌方面穿針引線，當發現有貪慕虛榮既女仔，就憑三寸不爛之舌說服佢幫成人雜誌影封面寫真，成事之後再抽佣。

不過呢種推介型既寫真女郎絕對麻煩事多多，中間人為求抽佣，唔理好醜，有時帶上去影相既女仔質素好參差，難怪某成人雜誌負責人直言：「唔使錢俾我地影都唔影啦！呢 D 中間人仲話想收一千幾百佣金，認真九唔搭八，我地寧願自己搵女仔返黎影好過。」

2000年7月15日

青春炮兵團專滾靚二奶

新聞來源：太陽報

青少年北上深圳成風，除了毒品氾濫，消費便宜外，最近，他們又發現深圳另一誘人之處 --「媾」二奶！他們看準當地的港人二奶心靈寂寞，容易發生一夜情，兼且有屋又有錢，租房錢也可省回，有時還賺得「拍拖費」，故樂於每周北上「情陷二奶」。

本港已婚男士往內地包二奶的情況嚴重，但原來年輕一輩亦情陷「二奶」，不同之處，是這群沒有經濟能力的青少年，不是出錢「包」二奶，而是「媾」二奶，以獲取肉慾及金錢的「著數」。周四晚上，十九歲的傑仔猶如其他愛玩一族，整裝待發，穿上蒲「D」戰衣，相約六、七名友人，趕上羅湖列車，一般北上青少年都喜愛往深圳市中心最旺的夜店，但他和一班朋友，卻會往較偏遠的深圳二線區「的士高」，因為這區是港人金屋藏二奶的集中地，而這亦是他們的獵豔目標。

「識途老馬」的阿傑向記者說，港人在深圳包二奶，但不是日日可以北上陪伴，這批二奶平日百無聊賴，晚上大多會往區內的夜店消遣。他形容，二奶在各方面的質素均比起一般「WET妹」更「出色」，「佢地年紀唔係大我地好多，多數二十五、六歲，十八、二十二都有俾人包，佢地係比其他出黎玩既深圳妹靚D，通常黎自上海、黑龍江既就有品質保證。」由於背後有強大的經濟支援，她們穿著高貴，衣著飾物均屬名牌，人人手上都會有最新款式的手提電話。

可能因為深閨寂寞，他說，與二奶玩一夜情，輕而易舉，「我地落D場跳舞，D女會主動走黎撩我地傾偈。」而令他們情陷二奶的另一大原因，除了「色」外，還關乎「錢」，因為如他一類北上的青少年，經濟能力不會太好，若和一般女孩子「交往」，金錢花費一定少不了，若然對象是二奶，則方便得多。

「大家夾既，就會去佢屋企搞，間屋又大又靚，包佢地的香港男人，通常星期六、日至會上𨪛，平日無其他人住，淨得佢地自己一個人住。」

他說，媾二奶不用為地方煩惱，又省掉租房錢，減低一夜情的成本，有時甚至有錢賺，平日飲食消費亦獲「照顧」，「初頭行街消夜我地畀錢，熟落冲之後都無咩所謂，佢地（二奶）會畀錢消費，都係二、三百蚊。」不過，「二奶一夜情」亦有其遊戲規則，阿傑說，即使「相熟」的二奶，平日遇到，尤其是當她們拖著其他男性時，隨時是來自香港的「老公」，一定要「扮唔識」，以免「害人害己」。

他憶述某次與一名年紀相若，來自四川的二奶一夜纏綿後，翌晚即巧遇她拖著一名年逾五十的香港中年男子，二人親暱地挽著菜回到「金屋」，「我地迎面相遇，果位四川少女低下頭，眼也不望我就急步離去。」

「財色兼收」，是令到阿傑及其朋友「情陷二奶」的原因，但他們亦知道這種「三角關係」潛伏危機，有時亦會擔心二奶的「男人」突然出現，捉姦在床。故此，他們亦會提高警覺，周五、六、日及假日是「高風險日子」，待至周一至周四，這群以二奶為目標的「媾女團」才會整裝出動。

濫交加速性病擴散

香港已婚男士回內地包二奶，而香港年輕一代，又回內地和其二奶有情慾關係，形成奇妙的三角關係。有多年處理「二奶問題」經驗的明愛家庭社會服務社工郭志英表示，這種複雜的情慾三角關係，恐怕會衍生更多的社會問題。

郭志英說，一夜情或有太多性伴侶，感染性病的危機很大，而時下青年北上「媾女」的對象，更是港人內地包的女友或妻子，彼此都是性伴侶不穩定的人，屬高危人士，三方互相感染，隨時引發性病擴散的危機。

此外，由於其所選擇的對象，仍算是「有夫之婦」的身分，到其家中玩一夜情，無疑是令該名出錢供養的港人「戴綠帽」。一旦東窗事發，除了這名男人與內地的女人可能發生極大衝突外，屆時他自己本身亦可能牽連當中，後果可大可小。

郭志英說，時下青少年不好好利用成長的黃金時間，只縱情肉慾，會令心智發展失去平衡，而年紀輕輕，便慣性換性伴侶，陷入複雜的情慾關係，亦會極度影響他們婚後男女關係的觀念，日後亦未必會安於婚後的婚姻關係，可能再挑起更多的家庭問題。

無敵二奶有錢有屋

二奶姿色不俗，有屋有錢，對於時下青少年來說，有一定吸引力，但阿傑表示，不會對深圳的女孩子投入真感情，最終選擇始終是香港女孩子。

香港男孩子喜歡北上深圳玩，其中一個原因是回到內地，身價好像提高不少，在當地女孩子眼中「零舍不同」，頗受歡迎，故追女仔的過程，比起香港時更容易更快速：「深圳D女一晚搞掂，香港D女至少要磨兩、三日先至到手。」

雖然不少人指內地女孩子易追，樣子又「省鏡」，但阿傑說，始終覺得香港的女孩子較吸引：「人地話大陸D女靚D，係佢地識唔到，人地唔騷佢先至咁講，我覺得香港女仔性格好D，著衫都款好多。」

他堅稱，北上媾二奶，只是「玩玩下」心態，從來不會投入真感情，一般來說，相識一個多月便「散」，而最深愛的還是香港的女朋友。

2000年7月14日

Fing頭High茄好易Die

新聞來源：東方日報

近年 Rave 席捲香江，令唔少靚仔 Wet 妹逢 Party 都要聚埋癲番晚，型男索女 Show Off 之餘，當中更有唔怕死既 Fing 頭一族，口含奶嘴牙膠，往往令自己不勝藥力暈倒當場！俾人伸幾腳都冇感覺既迷幻一族，究竟佢地知唔知乜野叫做引火自焚？

個案 1 ：財色兼失

阿 Ling （假名）係 Rave Party 常客，逢有 Party 都由午夜蒲到散場，撞岩有次識到個竹升仔，塞左兩粒「 Fing 頭」做見面禮，之後連男友都惹埋 Fing 頭癮。

「我淨係知果 D 係『 Fing 頭』，初頭吞半粒都只不過 Wing Wing 地，食埋成粒先知出事。啪左『 Fing 頭』跳舞 Free 左好多，但成日想黐埋人度，成身熱到滾，猛飲水兼想有人攬下，第二朝起身個頭仲不期然郁兩下。前果晚都唔知俾邊個搞過，好彩冇瀨野，唔係都唔知點算好！」

不過阿 Ling 仲膽粗粗試多次喎！結果教訓係成份糧連手提電話都不翼而飛，連報警都怕落口供俾人笑。

男友阿東（假名）亦因 High 「 Fing 頭」搞到由原本「雄赳赳」而變得有心無力。阿東初時以為學人食「 Fing 頭」可以變性超人，係就試過一晚黎足四、五次，不過過程好短，幾下就完事，家陣仲有心無力添！嚇到冇命之餘，仲笑言遲 D 要食乜哥添！

個案 2 ：俾人抽水換「茄」

阿芬（假名）係「茄」（一種新興軟性毒品，粉末狀）既 Fans ，專登約齊班老死落卡拉 OK 唱歌索「茄」，邊唱邊跳，以為咁就係至高無上既享受。不過索「茄」消費都唔平，以學生妹既零用錢，又點夠索喎！

「我見唔少女仔只要肯霖仔，要搵貨都唔難架！不過俾人抽六水之嘛！出黎玩預左啦！」但講到怕唔怕蝕底時，佢又好憂鬱咁話：「甩得就梗係好架！下下俾人抽水，你估好過癮咩？嗌非禮都冇人可憐啦！」

其實阿 Ling 、阿東同阿芬都只求貪玩，根本冇理「 Fing 頭」、「茄」對身體禍害有幾大，只係求開心兼同班 Friend 埋堆就你 High 時我又索，不過當佢地諗深一層，又怨自己戇居喎！所以各位姐妹千祈咪亂 High 呀！

夜蒲一族流行吞「 Fing 頭」兼索「茄」，但卻只求快感，唔理當中禍害！其實「 Fing 頭」都有分優劣貨架！雖然優質貨純度夠高，但始終主要成分係 MDMA ，能控制神經系統，而劣質貨則混雜老鼠藥雜質、砒霜，真係愈諗愈心驚。 Wet 仔 Wet 妹誤以為上腦產生幻象，牙痕跳舞先至夠 High ，但就搞到冇晒胃口之餘，身體脫水過度，引致爆血管添！「茄」則屬於第一類毒藥，要有註冊醫生紙方可購買。一般用途係兒童或動物做小手術時作麻醉之用，藥力通常由一小時至六小時不等。

「 Fing 頭」，會令注意力分散，反應慢兼容易抑鬱，欠缺思考邏輯，且富暴力傾向，繼而缺乏自制能力，作出暴力行為或刑事毀壞。「茄」則會令人極度興奮，神志不清，嚴重些少更會令手腳動作唔協調，出現心跳加速、高血壓等症狀，再嚴重 D 更會猛噴鼻血，真係嚇死人！

坊間流傳唔少關於「 Fing 頭」同「茄仔」既謬論，各位姐妹要了解清楚，以免泥足深陷。

Q ：「 Fing 頭」藥力過左，唔會上癮？

A ：服食過量鎮靜劑及興奮劑，皆會對身心造成長遠禍害，尤其令精神受到極大困擾，漸漸迷失自我，愈食愈有癮。

Q ：「茄」溝「偉哥」可以變性超人？

A ：極度危險動作，分分鐘引致突發性血壓變化而暴斃！

明知毒品禍害咁大，仲要唔識死咁迷落去，到底呢 D 叫有型定戇居？了解清楚知多 D ，總好過盲摸摸俾人戙丫！

2000年7月13日

生意淡薄骨女焗打真軍搵命博

新聞來源：東方日報

呢個世界乜野最重要？事業？愛情？金錢？又或者係貞操？答案統統唔係，呢個世界「生命」最重要，若果冇左條命，真係萬事俱休，乜都唔使講。雖則話生死有命，但除非閣下真係嫌命長，否則冇理由唔好好愛惜生命。命仔得一條，做任何事如果要搵命博的話，絕對制唔過。

不過，呢個世界「勇士」多的是，最近太子區指壓場流行一股「自由」文化，提供跑鐘女同人客打真軍，居然有唔少嫖客「響應」。唔戴套做愛的確好 Free ，但選擇呢種「自由」要付出既代價實在太大，隨時賠上自己生命。唔通真係 -- 不自由，毋寧死？

指壓場負責人平哥直言，諗出呢種「打真軍」服務其實好無奈，無非都係生意難做之故。旺角區指壓場幾年前曾經風光一時，果時 D 場生意真係唔憂做，再加上有成人雜誌報道，每有甚麼「新女」上場，都立即成為焦點，嫖客紛紛按圖索驥去捧場，據講當時唔少指壓場月賺幾十萬以上，指壓場老闆位位豬籠入水。

但自從警方大力掃黃之後，指壓場風光不再，再加上有某部分指壓場主動減價搶客，最後演變成全行減價戰，原本以為減價之後客量會上升，誰不知完全唔係果回事，令人出乎意料。賤物鬥窮人，愈窮愈見鬼，指壓場減價之後客量居然不升反跌，原來減價呢招並唔係萬試萬靈，指壓場既搶客方式，開始轉移到「鬥服務」方面。

以往指壓場提供既服務都大同小異，主要都離唔開「口交」、「做愛」兩種，在指壓場行內稱之為兩味服務。但「鬥服務」開始之後，「兩味」服務再得唔到嫖客們歡心，代之而起既係無數匪夷所思既三、四、五、六味服務，有 D 指壓場更推出甚麼一王雙后，人肉壽司等服務，簡直係極盡變態淫亂。

熱鬧過後歸於平靜，指壓場推出咁多花款之後，最初的確有唔少人客捧場，但久而久之，嫖客們亦開始習慣，要係服務上玩出新花款唔係咁易，嫖客已經被寵壞，再要吸引佢地歡心難度甚高，終於有指壓場行左最後一步，容許人客唔戴套打真軍上陣。

嫖妓唔用安全套，同囉自己條命教飛冇分別，但據指壓場負責人平哥透露，自從佢地推出呢種服務之後，大受人客歡迎，每日都有十個八個人客要求呢種服務。「雖然玩打真軍呢家野唔係乜野新鮮事，以前都有唔少人客提出過，但係話之你肯加錢做都好，都好少女肯做，出得黎滾既男人真係唔慌乾淨，你估唔驚愛滋病咩？

但今時唔同往日，而家生意難做，人客難求之下，佢地提出乜野要求我地都希望可以做到，我諗其實好多人客都鍾意打真軍，就搵左班女同佢地傾，結果有三個女肯做，我地完全冇迫佢地架！」

小記曾經訪問過三位打真軍女郎，雖然佢地都知道咁樣接客係一件好危險既事，但為左搵食都話冇辦法，其中一位小燕就話：「而家你估真係嫌命長咩？但係我地三個女仔諗過，與其係度坐冷板，不如博一博。

以前出黎搵食，只要肯做就 OK ，但而家太多女入行，又後生又靚，問心講自己又唔係靚過人，想同人鬥都好難，咪惟有做 D 冇人肯做既野囉！而家陪客打真軍，每日都做到幾個客，唔使食白果咁慘丫！」據呢三位真軍女郎透露，雖然佢地無奈要咁做，但都諗左唔少辦法出黎保護自己，例如做之前會詳細檢查客人既性器官，若發現有問題佢地會拒絕接呢個客。

而每次接客完畢，佢地亦會徹底沖洗乾淨下體，希望可以沖乾淨細菌，問佢地有冇染過性病，三位真軍女郎斬釘截鐵話「冇」，其實小記想忠告三位一句，暫時未染上性病只係好彩，但運氣唔係成日有，何況世紀絕症愛滋病潛伏期有 7 年，染上根本唔知，再加上三位真軍女郎諗出黎既所謂保護自己方法，老實講根本就冇用，希望三位真軍女郎自己好自為之。

可能好多讀者對於嫖妓打真軍呢樣野會覺得莫名其妙，又或者覺得肯咁做既人簡直白痴兼戇居，為多少少快感就搵條命仔出黎博，其實係指壓場界有一位「奇人」，同女打真軍既次數超過幾百次，簡直係真軍界既始祖。

其他成人雜誌試鐘男最多都係就位影相，但某本成人雜誌有位試鐘男甚麼生果王子就下下真做，襯 D 女唔留意就失驚無神進攻打真軍，嚇到 D 女依嘩大叫，亦搞到自己神憎鬼厭。據唔少指壓場中人透露，呢位生果王子私底下嫖妓亦次次打真軍，都係用突然進攻果招，好多女都係不情願之下同佢做。

呢位生果王子近排突然係指壓界銷聲匿跡，有好多人估佢可能染上世紀絕症而失蹤。香港地就係咁，怪事無奇不有，呢位生果王子既事跡，係真係假都好，作為一種警醒亦未嘗不可。

小記身為男人，當然明白戴套做愛以及打真軍做愛既分別，真心說話，感受絕對冇得比，若果兩者要我選其一，我都會毫不猶豫選擇打真軍。但打真軍一定要選岩對象，女朋友、老婆呢 D 親密伴侶當然冇問題，若然話係酒吧、 Disco 識既 One Night Stand 對象都已經唔好制，更何況出去嫖妓。

一般妓女日接十客，月接三百客，每年接客幾千個，若果你同一位三年經驗既妓女打真軍，無形中等於同過萬個男人一齊搞過，試想像一下，個情況係幾咁恐怖！出黎打真軍？知唔知愛滋病係冇得醫架！正傻仔黎架！

2000年7月13日

女性煞星液體迷姦藥登陸

新聞來源：東方日報

本年初橫掃港台的催情劑「燕窩」已令一眾愛「蒲」夜店的夜之女聞之色變，而近日台灣又興起新一種被譽為「超級強姦藥」的液體迷幻藥。「超級強姦藥」名為液體快樂丸（ G.H.B. ），最近被不法分子利用作迷姦藥，由於台灣已經出現濫用情況，因此台灣衛生署管制藥品管理局要求醫院加強注意，並呼籲女性在公共場所加倍小心。

液體快樂丸屬於強力鎮定劑，是一種重藥，與「燕窩」十分相似，無色、無味、無泡沫，最大分別是「燕窩」呈現粉末狀，因此「燕窩」溶解後會有一層薄衣浮在水面，而液體快樂丸則是水劑，溶於飲料後全無渣滓，故更難察覺，成為較「燕窩」及傳統迷姦藥 FM2 更厲害的「超級強姦藥」。

「去唱歌跳舞梗係要飲下野啦，邊度顧得咁多，唔通唔飲咩！」現時「粗口派對」、的士高及卡拉 OK 等多會贈送飲品，不法分子利用這點在飲品內落藥而騙財騙色的個案更是屢見不鮮。

液體快樂丸功效大，服用五至十分鐘後就會發揮作用，令人神志不清、昏睡，失去抵抗力，事後會記憶力大減，因此這藥對於「迷姦黨」而言可謂加倍安全，獵物輕易手到擒來。受害者極可能因為液體快樂丸的副作用而導致記憶力大減，對於被迷姦的過程及歹徒的樣貌身分亦可能被遺忘，甚至不能確定有否被迷姦。

葵涌醫院藥物誤用評估中心高級醫生張建良表示，雖然暫未有報告指液體快樂丸已流入香港，但香港所濫用的藥物會跟隨台灣，如台灣流行液體快樂丸，香港亦可能會興起，因此有關方面已密切留意此藥，以便應付因過量服食液體快樂丸所帶來的問題。

張醫生續稱，液體快樂丸始於美國等地，已流行數年，本身並無任何藥用價值，因此市面上的液體快樂丸全是非法製造，屬於禁藥。而且液體快樂丸含有雜質，醇度只有三至四成，過量服食會有致命的危險，嚴重危害健康。

因此有社工團體提醒女士們暑假期間在公共場所，尤其是夜店及派對要特別留意，不要胡亂接受他人的飲料。如曾離開座位更應小心，避免再次飲用飲品，以策安全。選擇飲品方面，亦應少飲高醇度酒精的飲品，改以清淡的飲料如礦泉水，較容易察覺有否異味及「加料」，減低被迷姦的機會。

本港夜店充斥著各種禁藥，興奮劑及迷幻藥等大行其道，而迷姦藥亦相繼登陸香港。第一代的 FM2 （即十字架）及第二代的「燕窩」在香港大受歡迎， FM2 的捧場客不絕，而「燕窩」的出現，更令坊間流行一句「男食偉哥，女食燕窩」的說話。

由於服食「燕窩」後會導致神志不清，產生幻覺，喜歡解除束縛，而且效力快且強，故在夜店甚為流行。此外，近年「粗口派對」亦流行「 Fing 頭丸」、「Ｋ仔」等「功效」顯著的軟性毒品。

尤其是「 Fing 頭丸」，由於服用後會不停搖頭擺腦，令青年人誤以為能跳舞跳得更勁更 High ，因此大受歡迎。不過，「 Fing 頭丸」會令人異常興奮，同時出現口乾、流汗、嘔吐、頭暈等現象，而全身肌肉及神經亦受影響，感到「牙痕」，故有「 Wet 友」以奶嘴止痕。據悉，部分「 Fing 頭丸」摻有老鼠藥等雜質，故服後會危害生命。

這種迷姦藥在台北非常流行，七月十一日台北警方在南投縣一家化學公司查獲管制藥品硝鉀西泮二十公斤，約可製造 FM2 及快樂丸約一千萬粒，市值估計約新台幣二億元（約五千萬港元）。

據了解，匪徒是以化學原料名義，非法輸入管制藥品硝鉀西泮，再經由疑犯暗中在自己經營的藥廠內大量製造 FM2 及快樂丸等毒品，然後利用藥廠銷售管道售至台灣各地，目前有相當數量的成品已經流入市面，為避免危害社會及青少年健康，有關單位將進一步追查該批違禁藥品的下落。

2000年7月13日

用平等之心對待家中菲傭

新聞來源：新報

這幾天來，一共發生了多宗鬧上法庭，涉嫌性侵犯菲籍女傭的案件，無獨有偶地，三宗的涉事者，一個是律師，兩個是警察，都屬於「知法犯法」人士。而當然的，有經濟能力聘請菲傭者，都屬於中產階級一族，不愁無錢去「發洩」，按常理也用不著「出此下策」，因而也令人對他們為何如此不智感到不解和好奇。

由於其中兩宗案件尚未審結，有關涉案者在法律上至今，尚是疑犯而已，按照「假定無罪」原則，就此作出對案件的評論，這對涉事者並不公平。但是因為同類的事件過去並非罕見，年中也頗有不少菲傭被僱主性侵犯的事件曝光出來，例如那位出名的練馬師即為其中一例，我們不妨以此「普遍現象」，宏觀地談一談。

美女總是不愁機會的。假定有一天，香港衰落了，香港的女人要外出到東南亞當女傭幫補家計，相信美女如「劉慧蘊」者一定不用出此下策。而真正要去當「港籍女傭」的，相信「美貌質素」會大大的低於平均數。所以菲律賓美女不少，但是來港當菲傭的，樣貌質素也低於平均數。當然也有少數是例外的。儘管如此，但正如電影《沉默的羔羊》所說般的，男人會對眼前所見的女人產生性慾望，而眼見不到的，則比較困難單憑幻想而產生衝動。僱主日夕相見著菲傭，日久生「慾」，也是常見的事。

此外，在許多人的錯誤觀念中，傭人是低一等的奴僕、婢女。一來，婢女是一種容易引起性幻想的「地位」(這裏只作為對客觀事物的分析，我們並無對菲傭有任何不敬之處。)就是在金庸的小說中，也屢有描述主角與婢女的「特殊關係」﹔二來，主人高高在上，總認為淫辱低下的奴婢，幾乎是「權利」了，這非但是大男人主義，甚至是家長主義、封建主義了。連美國開國大賢、飽讀詩書的第三任總統傑弗遜也淫辱了他的黑人女奴，何況其他人？

我們分析了性侵犯菲佣傾向的成因，但並不代表認同這種行為。好色是人類的天性、暴力也是人類的天性，可是我們卻應該抑壓這些天性，或者是，以文明依合法律所允許的方式去實行。畢竟，菲傭萬里迢迢來港打工，已經十分可憐了，男主人們還要欺負這些弱勢的一群，是最不要臉的行為！

2000年7月12日

深圳Disco場靚Dancer情路不亂闖

新聞來源：東方日報

在不用工作的日子裡，她們跟街上的女孩都是一樣的，平平無奇，沒有甚麼分別，但是當她們站在耀目的燈光下，她們便會將自己美化一番，濃妝豔抹地把自己包裝起來，跟平時大大不同，因為她們便是穿著一些性感舞衣，在夜場表演的 Dancer ，無論台下的觀眾是否真的在欣賞自己所表演的舞蹈，她們一樣會傾力演出！

在閒時，很多人都喜歡發白日夢，幻想一下自己將來是怎麼樣的，同樣，這四位在深圳夜場表演的姐妹亦是一樣，但是她們的夢，並不是如你我所想的一樣，她們不是想當明星，亦不是想成為甚麼名太，而是希望有著自己能夠緊握的夢。

「我並不是不喜歡以跳舞為業，相反我是很喜歡的，只是跳舞對於我來說，並不是長遠的打算，因為作為 Dancer ，不能夠跳一輩子的，而到了某個階段時，便不能再做了。」芳芳強調說。

「相反地，我很喜歡跳舞，因為除了可以穿著五光十色的舞衣外，還能聽著台下觀眾帶給我的滿足感，當每次表演後，聽到觀眾給我的掌聲鼓勵時，真的不捨得離開舞台。」小群細想地說。「我跟她們不同的，就是希望能夠藉著自己的技能，到別的地方闖一闖，不論是好或是不好，起碼曾經嘗試過。」 Co Co 手執粉撲，一面為自己修飾，一面說著。

「若有機會的話，我真的希望在往後的日子裡，不需要再依靠跳舞維生，因為每晚如常地在觀眾面前跳舞，我已覺得很厭倦。」雯雯強硬地說。對的。她們能有這樣的心是對的，因為不依靠任何人，緊握自己的理想，雖然不一定能夠實現夢想，但這始終是一種無形的推動。

對於在 Disco 工作的女 Dancer 來說，得著的東西有很多，首先不說金錢，人生觀及愛情觀已有很大轉變。就如愛情觀，她們已有著很深的領悟，因為對於她們來說，愛不等於一切，所以雖然常跟男 Dancer 跳舞，但是她們卻說自己是絕緣體，不會因為共事相處，而跟對方產生感情，因為 … …

「我們就好像兄弟姐妹般，若跟當中一位拍拖，豈不是亂倫？而且跳起舞來，常會有親熱的動作，所以當你是他的女朋友時，可以擔保不會呷醋嗎？」小群說道。

「無論跳民族舞、慢舞還是貼身舞，都是會有身體接觸的，若說有身體接觸，便會產生愛意的話，那我豈不是有很多男朋友？」 Co Co 笑著說。

「不會。因為這是工作的地方，而且在這種地方工作久了，看到很多感情事，我還懂得怎樣愛惜自己。」雯雯平靜地說。

「我曾經試過跟這裡的男 Dancer 拍拖，但是感覺總是怪怪的，因為當他跟別的女 Dancer 跳舞時，我總是看不慣，可能這就是女性的醋意，看到自己所愛的人，跟別的女人一起時，總是接受不到！」芳芳說。四位姐妹各有不同的愛情觀，其實這是很好的，起碼最低限度，可以減少在愛情路上碰釘的機會。

在小記做訪問後，跟其中一位被訪者傾談時，發現她們每天只是工作 4 小時，小記即說：「你們這麼好的，每天只是工作 4 小時。」當她們聽到小記這樣說時，即回答：「 4 小時對於我們來說，已經很疲累，因為我們是跳舞的，不像你所說的那麼舒服。」只是一句說話，令她們有大吐苦水的機會，真的意想不到。

2000年7月11日

網上單性懷孕套餐出位促銷

新聞來源：東方日報

女性在特定年齡均會爆發出熾熱的母性，希望能夠生兒育女，擁有一個有血緣關係的下一代，但是有女性因為單身、性取向及健康狀況等問題而未能如願。最近有網頁提供「單性懷孕套餐」，宣稱能「走法律罅」，為這些母性「爆棚」的女性提供優質精子及卵子，使她們擁有聰明活潑的千禧嬰兒。

「冇男人都可以生 BB ，而且仲可以揀一個學歷好又高大威猛的男人添。」日前，有網頁刊登廣告表示提供「另類生兒育女方法」，為不同需要的顧客提供全面懷孕服務，但該廣告只有網址，卻沒有附上電話及地址。

網頁稱「單性懷孕套餐」針對單身女性、女同性戀者、不育夫婦，及一些「求子（女）若渴」的夫婦，套餐除為參加者提供精子及卵子外，更可自由選擇嬰兒的性別，安排三至四次體外受孕，當中包括試管嬰兒，並提供生育前後的心理輔導及母嬰保險，另外，嬰兒出生後送上足金金牌一個及滿月酒席一圍。

當記者佯裝顧客以電話查詢時，「單性懷孕套餐」的負責人劉先生明顯充滿戒心，只提及服務範圍，對於公司地址及詳情均拒絕透露，更直言害怕有記者放蛇，構成不便。

劉指出，「單性懷孕套餐」重質不重量，故現時捐精者不多，以台灣及香港人為主，參加者可以列出捐精者的條件如年齡及學歷，從而揀選「心頭好」，其後更可親自約見對方及即場由有關工作人員抽取精液，免被掉包。不過，當記者質疑如選中台灣男士，捐精者是否從台灣到港，劉即改口表示香港捐精者比例較高，應不會選中台灣男士。

由於香港法例只容許合法夫婦進行體外受孕，而且服務有違《人類生殖科技條例》，因此劉表示所有參加者需前往台灣接受有關服務。劉強調參加者在台灣將會入住當地的醫院，並由當地的註冊醫生負責，故服務十分安全，亦揚言已有多個成功個案。

而參加整個「單性懷孕套餐」，需要在台灣逗留約十多天，期間並會進行多次體外受孕，增加懷孕的機會。

「單性懷孕套餐」在金錢交易上更十分周詳，保密性甚高，絕不會洩露公司身分。劉表示，參加者只需先自行驗身，證明能夠懷孕，即可從捐精者的資料庫中揀選合適人士，然後其公司會與參加者在律師見證下簽署協議書作為合約。

其後參加者需要一次過將堪稱天文數字的九萬九千美元（約八十萬港元）的費用存入雙方的聯名戶口，如未能成功懷孕則可取回九萬美元，其餘款項則作為手續費。劉聲稱此舉可保障雙方的利益，但其實此舉可避免若有人被騙招致損失，公司身分不會被警方利用公司的戶口而查到，方便「走佬」。

去年底，美國一名時裝攝影師設立「模特兒卵子拍賣」網頁，以「美貌能為下一代帶來好前途」為賣點，吸引一些希望誕下俊男美女的父母惠顧。

該網頁以八名模特兒的靚相作招徠，她們甘於出賣卵子的原因各有不同，包括「不想依賴男人」和「希望幫助別人」等，底價有高有低，最低為一萬五千美元（約十一萬七千港元），每口叫價一千美元（約七千八百港元），成交額全歸模特兒所有，競投者還要另付網頁設計者兩成佣金，拍賣價並不包括交易達成後的各種醫療費用。

這種拍賣方法曝光後即惹來爭議，美國生殖醫學協會直斥行徑「宣揚不道德行為」，可能因為受到多方面的抨擊，在正式展開拍賣的當天，五名模特兒臨時「縮沙」，只剩下三人，拍賣至今仍未完結。

自九四年，本港第一間胎兒性別選擇中心成立，為想生男或生女的夫婦提供一個選擇。胎兒性別選擇中心所採用的精子分離方法，是將含有Ｙ染色體（雄性）或Ｘ染色體（雌性）的精子，通過用人類的蛋白液體分隔開來。

想要男的，就用帶Ｙ染色體的精子溶液，在女性排卵期間，注入子宮內受孕；如果想生女的，便須服食一種排卵藥和同時使用精子分離方法，生女的機會便會大增。整個進行過程大概需時大半天。

而接受該中心服務的必須是夫婦、最少要有一個孩子、選擇的胎兒性別要和上一個相反，以及性別選擇失敗也不准墮胎。不過自今年六月，立法會三讀通過《人類生殖科技條例》，禁止非醫學理由利用生殖科技選擇胎兒性別，使上述私人服務診所不能再替非因醫學理由的夫婦進行胎兒性別選擇服務。

2000年7月10日

西藏偉哥真人測試考性力

新聞來源：東方日報

有乜野對男人黎講，最為重要既呢？相信大家都唔會反對係女人同錢呢兩樣野啦！的確，錢、女人，對男人而言，缺一不可，是但冇咁樣，肯定落晒形。但呢 D 都係較具體既問題；性事上無能為力，對男人既心理亦影響好大。事實上，男人「唔得」，不但因此冇晒信心，甚至永遠抬唔起頭做人。

所以一 D 自稱能增加性能力既藥物或者食品，就好受呢班「虧佬」注意勒！最近有人為左俾呢班失去信心既男人一個希望，打算推出一隻自稱有助重振雄風既西藏壯陽丸，但效果係點，就真係睇人勒！

坊間不時都會接觸得到「自稱壯陽、增強性能力」既宣傳字句或者產品、食物。性能力衰退，的確係男人既大忌。首先，男人絕唔希望自己成為「虧佬」，更唔會公開承認自己性無能。除左覺得醜，仲失去自信，面上亦因此露出絕望神色，搞到整體心理都唔健康。所以市面有關呢方面既食品或者醫藥，都為呢一群人雪中送炭。

其實係香港，真係有好多「虧佬救星」，但得唔得就好難講勒！好似一 D 有關醫治不舉、陽痿、早洩既招牌同街招咁，就隨處可見；另外就係話能夠醫治呢 D 問題既藥油咁，亦有好多，呢 D 大家都較為熟悉，但最震撼既莫過於早兩年既偉哥，佢出現後簡直風靡全城，當然，每個有呢方面需要既男人，都渴望得到救星打救既！

可能因為呢一個咁大既反應，令好多藥都想成為偉哥既「接班人」。近日，本報得知，可能會有一隻壯陽丸在港面世，所以作進一步探討。呢隻壯陽丸叫做「勃樂」，據代理商所講，呢隻壯陽丸係西藏既產品，係由當地一間綠色食品公司研究而成，雖然呢隻壯陽丸未曾面世，但其實已經有小部分人試過。

代理商充滿信心地說：「我地代理呢隻食品，當然要知道佢係咪有咁既功效。我地曾經俾過好多人免費試過，由自己開始，再俾朋友，再由朋友一個一個咁向外傳出去，試過既人由廿零歲至到六十幾歲都有。」

記者經過超過一星期去聯絡試過既人，終於能夠訪問到其中兩個人。

陳先生（ 59 歲）：「你話我而家既性能力係咪有問題？又唔算喎！但係比起後生時，的確係衰退左好多，以前一個禮拜黎幾晚一樣咁龍精虎猛，但而家一個月做一次兩次，都會疲倦好幾日。」「呢隻野，都叫幾好丫！估唔到有咁既效果，我食過兩次，每次都係食兩粒，好奇怪喎！食左冇對象就冇野喎！有對象就唔得掂勒！果次食完後去 Happy ，好容易就勃起，仲比平時堅挺，做完冇耐，應該就冇啦！點知摸佢兩摸又有反應，真神奇。」

另一位係鍾先生（ 54 歲）：「我性能力好似慢慢差落去咁！但自己都叫適應到，唉！心有餘力不足，食過呢隻野四次，有時一粒，有時兩粒，係房事黎講，就唔見有乜特別效果，咪同平日差唔多，不過食左之後個人好似精神 D ，捱夜又好似冇咁疲倦！」

雖然上述兩位仁兄既服後感各有唔同，但始終係只得佢地講，所以我地亦搵左位「英雄」甘願親身試藥，睇睇有冇料到。呢位英雄叫輝哥，今年 53 歲，輝哥自稱佢既性能力一向唔錯，雖然步入中年，但總叫有心有力。呢一晚，輝哥約左佢既女朋友，而係佢女朋友黎之前，即刻食左兩粒丸先。

由於呢隻壯陽丸要係事前兩個鐘頭食，所以等待藥力發作時，就選擇左係卡拉 OK 消磨下時間。兩小時後，阿輝終於同女朋友出發去做「正經事」。個零鐘頭後，佢地再返到卡拉 OK ，係呢個時候，佢女朋友先揭發阿輝原來食左「藥」，「下！原來咁呀！唔怪得好似唔同左 D 啦！」人家始終係女兒身，講起呢家野，必然有多少尷尬，原來佢地係果段時間，約一個鐘內已經搞左兩次，而且持久力較以往強，兼且做完第一次，好快又再黎第二次。

但講番呢隻壯陽丸，其實係咪真係有效既呢？我地就問左余康明醫師。首先講番佢既成分先，有人參果、蟲草、手掌參同紅景天，當然仲有 D 不便公開既成分啦！據余醫師講，人參果有補氣、生津液既作用，於男性而言，亦有刺激精液既功效；蟲草，就有補腎、益精功效，對男人既性機能亦有一定幫助，紅景天有抗衰老同抗退化既效用，而呢種藥材係新疆高原地方出產，係近年亦受到廣泛使用。至於手掌參就未曾聽過，可能係西藏當地既藥名。綜合以上藥材配合，亦有抗老化、補氣同增加免疫能力。

不過余醫師就認為，中藥一般都需要長時間既吸收，方可發揮作用，如果話兩小時就有功效，似乎比較快，可能當中亦有其他能夠加速成效既藥材在內。呢隻壯陽丸，未推出市面，就囉去俾人試，會唔會唔係咁好呀？聽代理商所講，其實呢隻壯陽丸已經得到各方測試認可。

「老實講，冇驗過，又點敢俾人試丫！初時接觸呢隻野，又唔知佢有冇咁既效力，加上係食落肚，當然要小心啦！所以我地首先要囉去化驗，證實冇問題，之後我地仲要親身試過，真係冇問題，先至俾其他人試，仲有喎！食落冇問題仲要有效，如果唔係第日點賣呀！」官生講。但係講番轉頭啦！食得落肚既，無論係補品還是藥物，吸收既能力都係因人而異，穩陣起見，小記都係覺得大家要請教有關既醫生正路！

版權屬於原作者所有，如有侵害到他人的著作權會立刻拿除。